Pawel Wimmer ha scripte:
>Esque il existe materiales in forma electronic ubi on poterea trovar
>rapidemente omne parolas con "archi-", "-dromo", "-algia", "helio-"
>etc.? Io pensa de mi Dictionario Interlingua-Polonese por Babylon
>Translator. Io volerea monstrar non solmente parolas ma anque lor partes
>de origine grec e latin, con ligamines inter parolas e iste partes.
Si, Pawel. In le Babylon Builder tu pote adder formas alternative (in le
campo "Alternate Form(s)") sub le qual le vocabulo potera esser trovate.
Plure formas alternative pote esser introducite, un per linea.
In le glossario "Interlingua-English" (IED), io ha usate iste ressource
pro includer le conjugationes del verbos, plural del substantivos, etc.:
Word / Phrase:
amar
Alternate Form(s):
ama
amava
amara
amarea
amante
amate
Assi, si uno cercara "amarea", ille trovara le definition de "amar".
>Exemplo de un entrata - quando on clicca sur "archiepiscopo" on recipe
>automaticamente le information super "archi-":
>
>---
>archiepiscopo
>arcybiskup
>
>archi-
>Cząstka wyrazowa pochodzenia greckiego, oznaczająca "arcy-, archi-, w
>wysokim stopniu, naczelny, główny"
>---
In tu caso, tu facerea:
Word / Phrase:
archiepiscopo
Alternate Form(s):
archiepiscopos
archi-
Assi, le definition de "archiepiscopo" sera trovate si uno cerca
"archiepiscopo" o "archiepiscopos" o "archi-".
Isto non impedi le existentia del entrata principal "archi-".
In le file .GLS (si tu lo aperi con un editor de textos), le formas
alternative es registrate de iste maniera:
---
archiepiscopo|archiepiscopos|archi-
arcybiskup
---
Io spera que isto te adjuta. :-)
Cordial salutationes,
Ensjo.
|
