Il functiona!

Car Amicos,

io debe actualisar vos re nostre nove lista de interlingua e io ci subtus
demonstra como, inter parentheses, io facilita mi lectores italianos.
Vos vide que io presenta themas de grammatica interlingua. Io transcribe e
arrangia de "Grammatica synoptic de Interlingua" per Karl Brauers,
Editiones Interlingua Morges - CH gratias sempre a nostre Paolo Castellina.
E in le nove lista io tractara le thema grammatica. Vos sera le benvenitas.
Io regratia Kjell e Allan pro haber me inserite in lore listas.
Ma io recommenda vos de non transformar nostre Interlng, per favor.
Io ha un problema: como scriber le data re le anno:
le 3 de decembre 1998, o le 3 de decembre de 1998, o le 3 de decembre del
1998?
Mi message al nove lista:
"Nostre nove lista in interlingua functiona e illo ha un contator del
accessos. Heri vespera (ieri sera) io ha abandonate le lista con tres
messages e dece accessos. Iste matino io ha trovate sex messages e
vinti-tres accessos!
Alora nos ha habite dece-tres accessos iste nocte. Multo ben.
Bon die, amicos! Bon matino!
Que die del mense ha nos hodie?
In interlingua on (si) applica le numero ordinal solmente pro le prime
jorno del mense. In altere casos on se (ci si) servi del numeros cardinal.
Hodie non es le prime de decembre, ma il es le tres de decembre, e il es
jovedi.
Que hora es? Qual hora es il?
Un hora;
novem (horas) e dece-cinque 09:15;
dece (horas) e un quarte 10:15;
tres horas e vinti minutas 03:20;
sex horas e medie 06:30;
quatro (horas) minus dece (minutas) 03:50;
un hora minus un quarte 00:45.
A que hora?
A septe (horas) minus cinque (minutas) 06:55.
In interlingua se usa le forma adjective del numeros fractionari, proque le
parolas "parte" es subintendite:
un quarto pro un quarte parte;
tres quartos pro tres quarte partes;
Un medie hora e un quarto de hora es tres quartos de hora.
Duo medie horas es un hora.
Ille (lui) restava un medie hora.
Un pan e tres quartos o un e tres quartos de pan.
Duo horas e medie o duo e medie horas.
Iste es interlingua, mi (aggettivo possessivo) car amicos."
Car Simon de 19 annos, scribe me e scribe me, tu ha necessitate de scriber
interlingua. Scribe me re le derectos human, io ha un amico de Treviso que
scribe super iste thema e io desidera portar ille in interlingua. Adjuta
me, nos le provocara con tu messages re le thema, gratias.
Io vos saluta,

Mario Malaguti
Secretario del AIPI - Association Italia Pro Interlingua
----------------------------------------------------------
Adresse postal:
AIPI - Association Italia Pro Interlingua
c/o Mario Malaguti
Strada Bibano, 9 - 31100 Treviso (Italy)
----------------------------------------------------------
tel. (+39) 0422 303661 - fax (+39) 0422 420789
----------------------------------------------------------
mailto:[log in to unmask]
mailto:[log in to unmask]
http://www.interlingua-aipi.com
http://www.telegrupigi.com/interlingua/aipi