Car Amicas e Amicos,
que dicer de iste nove initiativa per Paolo Castellina re le Biblia?

Io iste matino ascoltava le voce de Paolo in iste registrationes.

Que dicer?

Le proxime die 15 de januario 2001 es le anniversari jubilar de Interlingua,
ma que dicer de iste lecturas que nos offeri Paolo Castellina?

Io ha poco de dicer: io es simplemente commovite!

Paolo Castellina non poteva donar a Interlingua un initiativa melior de
isto. Paolo ha exprimite un qualitate de declamator del melior, o le melior,
que io habeva jammais audite in Interlingua.

Vos pote ascoltar e ancora ascoltar iste paginas e vos simplemente habera le
idea de illo que es Interlingua parlate e de illo que es le plus alte
nivello de pronunciation del lingua.

Io ha probate un grande commotion in ascoltar Paolo, anque pro le themas que
me reportava al tempore de mi juventute, quando nos pueros - forsan nos non
cognosceva ancora ben le italiano - nos audiva le latino in nostre
Ecclesias. Isto era illo que nos ascoltava e assi nos apprendeva a precar le
Patre Eterne. Io me demanda illo que nos ha perdite con le abbandono del
latino in le celebration religiose de mi Pais, ma ora nos ha ancora le
possibilitate, un vice al mense, de participar al Missa in latino.

Io pensa que tote illes qui ha un sito web re Interlingua facera ben de
offerer un ben evidente ligamine al pagina de Paolo Castellina, perque tote
le mundo potera, assi, haber le melior proba de illo que es Interlingua
parlate.

E io me augura que Paolo Castellina volera ben continuar con iste initiativa
meraviliose.

E in plus io debe ancora un gratias a Paolo Castellina pro como ille propone
un thema religiose in Interlingua. Nos ha le possibilitate de cognoscer le
grande traditiones religiose del mundo e render nos conto que illo que es
valide pro le homine, es e resta simplemente valide e nos liga al nostre
passato.

Ancora gratias Paolo!

E a totos, ciao!

Mario Malaguti



>From: Paolo Castellina <[log in to unmask]>
>Reply-To: [log in to unmask]
>To: [log in to unmask]
>Subject: On pote nunc audir le Biblia in Interlingua sur le Interrete
>Date: Mon, 8 Jan 2001 20:19:28 +0100
>
>Car amicos,
>io successava producer un fila legite in interlingua de duo capitulos del
>Biblia (Epistola al christianos de Epheso) e audibile super Internet via le
>fluxo REAL AUDIO.
>Iste proba es publicate in
>http://www.geocities.com/probiblia2000/biblianeolatin/index.html, in
>particular http://www.geocities.com/probiblia2000/ephesios.htm
>e corresponde al integre traduction del Epistola al Ephesios, parte del
>projecto de traduction LE BIBLIA NEO-LATIN.
>Io appellava iste biblia "neo-latin" proque, traducite del linguas
>original,
>illo seque le tradition terminologic del antique biblias latin e pote esser
>approbate hodie de tote le major ecclesias christian del mundo. Le textos
>es
>discargabile in version ADOBE ACROBAT.
>Per favor signala me si vos lo poteva audir.
>Cordial salutes,
>
>Paolo Castellina
>CH-7604 Borgonovo (Switzerland)
>tel. bureau ++41,81,8221145
>tel. domo ++41,81,8221069
>E-Mail [log in to unmask]
>http://castellina.org
>Sito cristian in Interlingua: http://probiblia.n3.net
>_________________________________________________________________________
>Get Your Private, Free E-mail from MSN Hotmail at http://www.hotmail.com.

_________________________________________________________________________
Get Your Private, Free E-mail from MSN Hotmail at http://www.hotmail.com.