Car vice-secretario Piet Cleij,

Con grande placer io me associa al felicitationes de Professor Stenström re
vostre anniversario. Io es quasi del  mesme etate vostre, 74 annos, e spera
poter attinger le 80-esime anniversario assi como vos con tante activitate,
energia e discernimento. Congratulationes e lunge vita!

Cordialmente e con admiration,

Carlos Alberto Santos
Aracaju - Brasil

----- Original Message -----
From: "Ingvar Stenström" <[log in to unmask]>
To: <[log in to unmask]>
Sent: Saturday, May 26, 2007 7:49 PM
Subject: [INTERLNG] Felicitationes a Piet Cleij, ´80 annos hodie!


Car interlinguistas in tote le mundo,
In le nomine del Societate Svedese pro Interlingua, io
extende hodie a Piet Cleij nostre felicitationes le plus
cordial, a causa de su 80-esimi anniversario!
Que ille vive longe, san e felice!

Piet Cleij, nunc vice-secretario de UMI. esseva durante
multe annos secretario general de UMI, le plus energic,
laboriose, diligente e efficace que on pote imaginar se.
Su gigantic dictionarios essera un monumento "plus durabile
que cupro", como dice le poeta classic.
Fortunatemente ille labora ancora, con plen creativitate
i despecto del grave colpo del morte subite e toto inexpectate
de su sposa ante duo annos, un evento que le tormentava
quasi usque a un depression - un stato non characteristic de
Piet.
In le Conferentias international e Incontros nordic ille ha
devenite multo popular tamben inter le novicios a causa de
su voce clar e distincte ("on comprende toto que ille dice")
e a nos alteros ille es un bon e car amico fidel.
Salutes amicalissime,
Ingvar  ´´
Ingvar Stenström
Vegagatan 12
SE-432 36  VARBERG
Svedia
ingvar.stenstrm  at telia.com
Tel. +46-(0)340.15053
Signatura in Skype:  ingvarst
http://www.interlingua.com
http://www.interlingua.nu

--
Archivos e disabonar: http://listserv.icors.org/archives/INTERLNG.html

--
Archivos e disabonar: http://listserv.icors.org/archives/INTERLNG.html