Lo que io ha apprendite del finnese de Alan es que le finnese non
jammais oblida.  Como un Texano, io lo comprende: Rememora le Alamo!

Le nocte passate io e mi sposa telespectava un programma del Radiodiffusion
Public National super le "Cerca pro le Bismarck", le cuirassato german
que menaciava a destruer le lineas de communication e materiales inter
Anglaterra e Canada e le Statos Unite al comenciamento del Guerra Mundial
II.  Iste cuirassato german destrueva le plus grande cuirassato brittanic
con solmente un pauc granatas e un cruciator brittanic tanto ben. Alora
illo esseva libere a escappar al Atlantic.  Eventualmente le anglese ha
damnificate le Bismarck a un extention minor e le Bismarck cercava a
retornar a un porto in Francia.  Le sol nave disponibile al anglese a
stoppar lo esseva un parve portaaviones con vetule aviones biplano con
alas cuprite con drappo.  Iste parve aeroplanos poteva portar solmente un
torpedo.  Totevia un succedeva in lancear un torpedo que colpava le
timon del Bismarck, que lo bloccava in un position que fortiava le
nave a torna in un circulo.  Isto faceva possible pro altere naves del
anglese a arrivar al sito del Bismarck e destruer su capacitate de
luctar, e illo esseva finalmente affundate con torpedos.

Mais repetitemente tal bon fortuna habeva favorate le Alliatos a varie
punctos crucie in le guerra.  Le Statos Unitese esseva fortunate in
ambuscar un fortia naval del japonese a Midway, e mesmo aquello succedeva
solmente proque de fortuna extraordinari in que un esquadron de
bombatores de attacco in pico discopriva tres del portaaviones japonese
in concentration de lor attention super un altere attacco fallite de un
esquadron de portatorpedos.  Mesmo post iste portaaviones esseva affundate,
le japonese esseva capace con un remanente portaavion a lancear un attacco
que incapacitava un portaaviones statosunitese que esseva affundate per un
submarino tosto postea.  In le interrim le americanos esseva capace de
attaccar le remanente portaaviones e affundar lo.

Considera le multe errores de Hitler in le Guerra Mundial II que esseva
critic pro le resultato del guerra.  In 1939 a Dunkirk Hitler habeva
ordinate su fortias de tanks a facer un halto proque ille credeva que
le anglese possibilemente capitularea si illes pote retener lor armea.
De novo in le Battalia de Brittania le Luftwaffe cambia su scopo del
Fortia Aeree Anglese al citates, que permitteva le anglese a construer plus
spitfires (aeroplanos de attacco), con que illes destrueva le bombatores
german.

De novo al comenciamento del invasion a Normandy Hitler refusava le
permission a su panzeres a tornar lor attention del Costa presso Calais
a Francia, credente que le real invasion venirea ancora alla.

A Russia, Hitler ha refusate su officieros a quitar lor positiones a
mover in positiones defensive, con le resultato que illes esseva
superate per le Russianos qui habeva amassate un grande armea.

In multe vias le fortunas del guerra torna super parve cosas.

On dice,   "Pro le manca de un clavo, un calceo esseva perdite,
e pro le manca de un calceo, le cavallo esseva perdite, e con le
perdita del cavallo, su cavallero esseva perdite, e assi esseva
perdite le general e le battalia."

Stan Mulaik