Reflexiones super remarcas de Kjell:

Le hostages in le banca svedese qui deveniva "loyal" al robatores:
Le mesme occurreva a Patty Hearst quando illa esseva captivos de
terroristas pro quasi un anno. Illa deveniva un terrorista mesme e
quando le organization terrorista esseva destruite in un battalia
urban, illa esseva capturate alcun dies postea, esseva judicate e
incarcerate in prision.  Io opina que illa maritava su
officiero de parola. (Qui cognosce?).

Como io intende le politica del administration in le Casa Blanca,
on non spera a occider Saddam Hussein - altere que accidentalmente -
mais a destruer su capacitate de fabricar le armas biologic e nuclear
e missiles, debilitar su poter per destruer le armas de su Guarda elite,
le officios e edificios del policia secrete.  Con respecto al magazin
de ris bombardate, esseva aquesto possibilemente le nutrimento de su
Guarda elite, que Saddam non distribue a su populo?  Esseva illo un
sito que on ha interdicite le inspectores NU a inspectar?

In general io opina que le Casa Blanca solmente vole retarder Saddam
e debilitar le.

Stan Mulaik