Frits Goudkuil, 1917-2007, "Papa Panorama", ha morite e alora il es natural rememorar que ille, inter multe altere cosas importante pro nostre organisation, ha scribite le prime libro belle-tristic primarimente publicate in interlingua, "Le casa del sonios", ISBN 90-71196-27-5. Le libro ha 115 paginas con lectura multo captivante. On pote comprar lo ab Servicio de libros.  http://www.interlingua.com/libros/god-pet.htm .

Como author Goudkuil usava le pseudonymo A.Petit, lo que tamben esseva le nomine del personage principal del libro. Dunque on forsan pote supponer que ille ipse ha experientiate alcun del eventos mentionate in le libro, ma isto es mi proprie presumption. 

Le nomine del libro depende de certe eventos supernatural concernente le casa a ubi le personas central  se installava. Le patre de Albert.Petit multe vices habeva soniate re un casa blanc e un die ille discoperiva un casa que exactemente similava al casa in su sonios. Post alcun tempore ille habeva opportunitate comprar le casa gratias a coincidentias felice e le familia se installava ibi.

In le libro es describite le problemas que pote incontrar un infante quando ille comencia in un schola in un nove pais, lo que hodie es equalmente actual pro multe infantes. Le nomine del puero, A. Petit, resultava in risadas inter le cameradas del schola nederlandese quando ille le prime vice lo scribeva sur le tabula nigre. Le causa esseva que le nomine francese in nederlandese poteva esser percipite como "tetta de simia".

On debe saper que le eventos occurreva in Nederland ante e durante le Secunde Guerra Mundial lo que ha grande importantia pro le historia e causava aventuras captivante in le incontros con le nazistas. Dunque le libro in plus es un bon documento interessante de iste periodo historic. In le fin del libro occurre un evento multo dramatic quando un camerada durante un tumulto, que esseva initiate per opiniones politic differente, finiva con un accidente quando un camerada esseva pungite in le pectore con un pugnal.

Si tu non ha legite iste libro, lege lo, e da alcun pensatas al author!


Erik Enfors 
Vallåkergat.25 
SE-432 37 VARBERG 
Svedia
Tel: +46 (0)340-875 45
Skype: untorrente
e-post: [log in to unmask]






Milliones de personas comprende interlingua immediatemente.
www.interlingua.com

--
Archivos e disabonar: http://listserv.icors.org/archives/INTERLNG.html