Ensjo et al.

Con plus pensata super le cosa, io opina que Ensjo ha ration,
que CACIAR es melior pro "chassar", que es un anglofrancese
forma.  Proque le protoromance prototypo es *cattiare, e le
linguas romance subsequentemente ha evolvite a un sono de
-s- o -ts- de -tti-, con orthographia -ci-.  Io justo non ha
recognoscite que le zedilla (c,) (que secundo mi Webster's es un
forma medieval del _z_) frequentemente corresponde a -ci- in
altere parolas.

Con respecto a danciar, il ha bon ration in isto anque, ben que
io debe studiar le question plus.  Possibilemente nos pote haber
formas parallel in le lexicon.

Stan Mulaik