Car amicos,

Sempre plus io es irritate per le activitates de Josu Lavin, qui usa nostre
listas (Interlng e le coollist) a fin de ligar interlingua con su proprie
projecto romanica. Nos vole ganiar le publico pro interlingua, ma si on
presenta al mesme tempore ancora un altere lingua, on debe expectar que iste
publico non plus nos comprende e que certemente illo va pensar que nos ha
perdite le ration.

Le confusion cresce de plus in plus. Josu ha create un section "Academia pro
Interlingua", que ha i.a. le intention de publicar un "Grammatica de
Interlingua in le qual sera includite le preterito perfecto..... etc" (Vide
le resto horribile in su message hic infra!).* Un tal grammatica con omne
iste complicationes lavinic es absolutemente inacceptabile!

Alora, in le nomine del bon senso, cessa iste chaos, que menacia nocer multo
a nostre effortios pro le diffusion de interlingua!

Salutes amical de
Piet Cleij

* Quando io legeva iste message pro le prime vice, io ha pensate que il se
tractava de un sorta de humor nigre.



Josu Lavin scribeva :
>Car amicos,
>
>Le section del Academia pro Lingua Romanica incargata de Interlingua sera
>denominate Academia pro Interlingua. Illo ha in iste momentos jam tres
>membros.
>
>Le grammatica que io es a facer in wikibooks sera de accordo con IALA, ma
>postea nostre section Academia pro Interlingua presentara un Grammatica de
>Interlingua in le qual sera includite le preterito perfecto
>cantavit/videvit/audivit (differente al imperfecto cantava/videva/audiva),
>le presente subjunctivo cantae/videa/audia, le preterito subjunctivo
>cantavera/videvera/audivera, le optativo irreal
>cantavisse/videvisse/audivisse, le optativo possibile
>cantavere/videvere/audivere, le gerundio cantando/videndo/audiendo et tote
>le tempores continue o progressive (es cantando, ha essite cantando, sera
>cantando, era cantando, habeva essite cantando, va esser cantando, etc.).
le
>preterito perfecto del verbo haber sera habuit e illo del verbo esser fuit.
>
>Tote le stanismos e kysonismos sera acceptate insimul con le habitual
>formas.
>
>Amicalmente
>
>Josu Lavin
>********
>
>
>
>