Car amicos,
hodie, lunedi, durante que illo es (como le barberos) mi die libere e que mi
marita dormi, post haber laborate durante le nocte in le hospital, me
dedicava a continuar mi experimentos sonor con internet.
Post alicun requestas io provideva le textos scripte correspondente al
lecturas que io faceva, o melio, io registrava septe nove textos prendite de
Ex "Dece-duo conversationes"  traducite per B. C. Sexton, British
Interlingua Society, 1990 e los poneva tosto in rete al adresse
http://www.castellina.org/audio/interlingua/index.html.
Illos deberea functionar nunc.

In re le question Microsoft, io es completemente consciente del facto que
iste firma essaya monopolysar le mercato con lor productos non multo
compatibile con altere systemas. Io crede que le libere concurrentia es
positive (con alicun limites) proque illo permitte de stimular le creatores
de nove e melior productos. De facto io quasi nunquam habeva problemas con
le productos Microsoft. Illos es excellente, e io es lor cliente satisfacite
desde al minus dece annos. Del altere latere, io tamen habeva multe mal de
capite in essayar apprender altere systemas e multe perdita de tempore. Io
trovava in le productos Windows Media finalmente lo que io necessitava:
practic e efficiente, facile e usabile sin perder multe tempore. In ultra in
le area in le qual io opera (Italia e Suissa) Microsoft occupava
practicamente le 90% del mercato, e assi le "target" al qual io me adressa,
potera usar mi material sin problemas.
Il es assi pro me un question pragmatic. In italiano io possede jam plus que
300 MB de material in linea, multo visitate. On me require sovente CDROM
contenente toto lo que io publica, e assi io potera offerer mesmo sermones
parlate in un maniera assi multo facile. In parentheses: a illos que require
mi material io demanda solmente de pagar me le expensas vive. Io non face
alicun profito monetari de illo.

Alicuno pensa que Bill Gates essera tosto le nove dictator mundial (o mesmo
le Antichristo). Io non ama iste phantasias. Io crede que le remedios del
democratia potera e debera esser usate contra qualcunque abuso, e certemente
un resistentia active es alsi possibile si ille infringera le leges. Pro le
momento, tamen, que pote io dicer, io es grate que Microsoft offereva lor
bon productos...

Cordialmente, Paolo

_________________________________________________________________________
Get Your Private, Free E-mail from MSN Hotmail at http://www.hotmail.com.