d[010830] x[Kiviaho Allan] z[KivA-18Tif interlng coollist il_strat]
s[Adieu, Netscape!]

[log in to unmask]
[log in to unmask]
[log in to unmask]

Estimate internautessas e internautas!

Referente me al debatto con Peter Kleiweg e Ensjo io
ha justo installate le MS Internet Explorer 6 a mi
computator (il durava 1 h 30 min). Io abandona mi
Netscape 4.75 como navigator. Io crede que Netscape
non pote luctar contra le potente Microsoft.

Forsan io ancora usa Netscape pro ePosta proque le
"Outlook" de Microsoft ha essite un porta notoriose
pro le attaccos de viri a computatores con MS Windows.
Io ha travaliate ab 1986 a 2000-11-30 a un grande casa
le medios (jornales, magazines, TV, radio, eBisnes
etc). Nostre corporation habeva un rete con plus quam
3000 computatores disperse in tote le territorio
finlandese e in alicun paises estranier. Nos era
extrememente vulnerabile a viri, que veniva
specialmente con le clientes russe. A causa de isto
MS Internet Explorer e Outlook era categoricamente
prohibite in nostre corporation.

Nos habeva efficiente "muro refractari" in nostre
servitor central del ePosta, su programma anti-virus
era actualitate quatro vices cata die, autmaticamente
via le rete, e trans isto etiam omne computatores
personal in le corporation.

Sed le viri que usava le mancantias de securitate in
Outlook, macros de Word, Excel etc. de Microsoft,
poteva penetrar le muro refractari proque il era
facile de scriber nove viri que on non poteva
identificar como viri - ante il era nimis tarde.

Io debe pensar un nove strategia pro mi sitos in
le internet. Forsan un version "orthodoxe" que
al minus MS Internet Explorer pote leger e como
reserve un primitive version in formato de TEXT.

Salutante

Allan

=============================================
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FIN-01620 VANTAA. Finlandia
[log in to unmask]
http://www.kolumbus.fi/allkiv
http://www.interlingua.dk/2001.htm
http://www.interlingua.com
Tel. + 358 - 09 - 898 720
GSM  + 358 - 050 - 3616 759
=============================================