Ecce un extracto traducite del pagina del projecto Netsukuku
(http://netsukuku.org)
http://www.netsukuku.org/index.php?pag=documentation&file=main_documentation/netsukuku.ita

Io es multissimo excitate pro illo :)

--- Netsukuku ---

1. Le vetule rete
Internet es un rete hierarchic administrate per companias
multinational e institutiones qui es supportate per governamentos.
Cata bit de traffico datos passa a transverso lor dorsales (en:
backbone) e lor instratatores (en: router).
Le  Providitor de Servicios Internet (en: Internet Server Providers,
ISP) offere le connectivitate a tote le usatores, qui se trova in le
parte le plus basse de aqueste scala hierarchic. Non existe alcun
maniera pro condivider le proprietate de internet e ergo, le usatores,
pro connecter se al grande Rete, es obligate a submitter se al pesante
conditiones imponite del mega-corporationes.
Internet es hodie le medio de communicatione per excellentia qui
permitte le diffusion e le condivision global del saper e del
information.
Circa 1 milliardo de personas pote connecter se a aqueste grande rete
proprietari, mais le remanente 5 milliardos, qui non ha sufficiente
ressource economic, attende fin a aqueste momento que le
multinationales les offere un servicio realmente accessibile.

Internet ha nascite pro garantir un communication secur e
inattaccabile inter le numerose nodos del rete, mais ora,
paradoxalmente, quando un PSI (en: ISP) decide de non fornir plus su
servicio integre nationes es immediatemente taliate foras de internet.

In ultra, internet non es un rete anonyme: le PSIs e le
multinationales pote interceptar e analysar le traffico qui passa in
lor servitor (en: server) sin alcun limite.

Le structura hierarchic e centralisate de internet crea, per
consequentia, altere systemas identic qui se appoia super illo, como
per exemplo le Systema de Nomines de Dominio (en: Domain Name System,
DNS). Le SND es administrate equalmente per le PSI, le dominios es
litteralmente vendite e le malias de un systema centralisate remane
immutate.
Aqueste typo de structura permitte, in maniera simple e efficace, de
localisar phisicamente cata computator connectite a internet in
pochissime tempore e sin alcun effortio.

In China, le integre rete es surveliate continuemente de numerose
computator qui filtra le traffico internet: un chinese non potera
jammais vider e in cata caso venir al cognoscentia de un sito qui
contine alcun parolas claves censurate per le Stato. Si, pois, ille
osa exprimer per rete un pensamento contrari al doctrina politic del
governamento, ille riscarea fin al pena capital.

Internet ha nascite pro satisfacer le exigentia de securitate militar
del administration del defensa del SUA, e in le curso del tempore, su
structura originari non se ha cambiate, ni potera jammais mutar.
Le libertate de communication e de information per internet sera
semper negate: pro communicar nos sera semper obligate a peter le
preventive consenso de autoritates statal e mendicar le supporto de
gigantic multinationales qui, in aqueste maniera, continuara expander
su proprie dominio.
Si, de facto, le tentativa de render internet le medio de
communication libere per excellentia, es destinate a fallir, ergo non
remane a nos altero que substituer lo.
Como?
Con un rete distribuite, decentralisate e plenmente efficiente, un
rete qui non pote esser submittite a necun typo de governo.

a sequer... 2. Le rete Netsukuku

--
Archivos e disabonar: http://listserv.icors.org/archives/INTERLNG.html