Salute, car Jan, car Erik,

multe gratias pro vostre promptissime responsas. Il pare que
mi idea non es tal bon como io ha imaginate... Sed vos anque
ha un pauchetto miscomprendite lo, naturalmente io non intende(va),
que alicuno qui antea non ha apprendite Esperanto nunc apprende
lo, in necun caso, isto esserea vermente absurde. Le foro imaginate
nullemente sia un loco ni un motivo pro agitationes propagandistic.
Etiam io non intende que ex illo desirabilemente devenira un nove
mixtura de ambes idiomes. Le idea, le pensamento detra mi
proposition es de natura un pauc differente,  e propriemente parlate
simplissime. A saper que il essera non mal, secundo me, si existerea
ultra le Auxlang-lista (ubi le lingua preferate es inglese, non ver?), un
possibilitate pro reciprocamente se stimular, se inspirar, se fecundar
in dicussiones, sin que alicuno perdera su profilo. Le periculo que
miscomprensiones poterea resultar, originar, io personalmente
evalutarea non tal grande. Ma claro que isto haberea alicun
preconditiones le cuales debe esser constantamente acceptate
e respectate per tote le participantes, super toto que il minime
esserea indesirate probar facer mutualmente proselytas.

Salutationes cordial,
Klaus

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================