Mario Malaguti wrote:

> Le prandio del mediedie, un practica residue in un mundo que curre, sin
> necessitate de facer lo, pro manco de cultura al viver ben!
>
> (...)
>
> Italiano es pranzo an latino prandiu(m)ma su origine es indoeuropee pro
> significar le prime repasto del die.

In facto le repastos ha movite per le millennios. Si ego me non equivoca le
_caena_ era mangiate al meridie, durante que le romanos ancora era ante toto
agricolas, postea le caena se faceva plus e plus tarde, e le caena se mangiava
al vespere! Del altere latere ego suppone que le collazione se manga al
mattino, ma in Polonia on lo mangia in le vespere.

Le jentaculo in interlingua era le repasto quando on rumpeva le jejuno, e justo
pro isto il ha _breakfast_ (rumpe-jejuno) in anglese! Nostre svedese jentaculo
es un danese prandio, o alminus un _brunch_!

Certo le parolas ha su fatos!

Cellus