Paul, e alteres, salutes!

Paul, Gode non esseva le autor del technica del prototypos: il
esseva E. Clark Stillman, qui ha apprendite de illos quando ille
esseva a IALA in Angleterra ante le Guerra Mundial II in 1938.
Ille esseva un assistante a Sra. Morris. E quando le guerra menaciava,
Sra. Morris moveva IALA a Nove York e faceva Stillman le director
de recerca a IALA.  Stillman empleava Gode, qui esseva un nove
Ph.D. de Columbia Universitate recommendate per Helen Eaton.

E Stillman e Gode es le autores de Interlinguistic Standardization, un
manuscripto de un manual pro le disveloppamento de un lingua auxiliar
scientificamente.  Le organization de linguistas professiional in le
external membrata de IALA habeva concludite que il non esseva
necesse de inventar un lingua auxiliar mais a extraher lo a partir del
linguas de Europa. Io ha un copia de iste manual e ha date un copia al archivos
de UMI.

Stillman solmente empleava linguistas professional a IALA. Gode habeva
un special preparation pro le concepto del prototypos a causa de su
doctoral dissertation super le obras del poeta German, Goethe. Goethe
habeva le idea "scientific" in le tarde 1700's que multe formas in natura
es variantes de certe 'prototypos'.  Le folios de un specie de arbor va
haber similar folios basate super un commun prototypo.  Le linguistas
habeva un concepto del prototypos identic con lo de interlingua.
Illo es le forma ancestral de variantes in plure linguas, que devia del
prototypo in manieras regular characteristic de lor lingua e su evolution.

Sra. Morris voleva un lingua como esperanto, mais basate super le
prototypos modificate.

Io pensa que Gode laborava pro IALA solmente proque ille credeva
que su methodologia esseva intellectualmente solide e professional.
Pro ille e le campo del linguistica, le methodos scientific esseva
necesse.

>In 1924 (si io memora correctemente) Sra Alice Morris fundava le
>International Auxiliary Language Association (IALA), le Association
>de   Lingua Auxiliar International. Lingua auxiliar! Isto NON esseva
>un   association de registration de vocabulario international, un
>association   del registration de prototypos. Le scopo del
>Association esseva le   determination de un LINGUA AUXILIAR! Esque
>Alexander Gode ipse TRAIVA le   scopo del Association a causa de su
>fixation in re prototypos? Esque un   incatenation in re prototypos
>es un traition del scopo del IALA? Esque le   "esperantistos," le
>quales Gode ipse denigrava, es le adherentes ver e   fidel del scopo
>del IALA?

Io regretta dicer, Paul, que tu debe studiar le historia de IALA . Le
concepto del prototypos entrava IALA con Stillman e Gode in 1939.
E Sra. Morris esseva in accordo con lor recerca.

Amicalmente,
Stan


--
Pro leger le archivos e pro modificar o cancellar le subscription:
http://listserv.icors.org/archives/interlng.html