Car amico Sergius Alba (Sergey Belitzky),

Io gaude multo legente tu parolas!
Illo era un ver proba de foco pro me: Explicar lo a un non-romanophono.
Nonobstante, tu ora jam sape isto multo melio(r) quam tote le romanophonos
del mundo insimul!
Il es regrettabile (pro me) que io non pote explicar lo a mi compatriotas
basc, perque io non habe le opportunitate de facer lo. Forsan io deberea
preparar un parve libro sur le verbo (basc, espaniol e romanic). Hic nos
vive sub le dictatura linguistic e idiotesc del Academia del Lingua Basc
(Euskaltzaindia) que complica multissimo illo que io pote (ma necun altere!)
explicar assi facilemente.
Il pote semblar extranee, ma tu pote facer le proba con qualcunque
romanophono que non habe legite mi explicationes. Demanda le un explication
sur le tempores del subjunctivo. Tu potera comprender que illes non sape
exprimer te lo.
Il ha sin dubita usos figurative e vulgar del formas verbal, ma lo
importante es comprender iste systema coherente.
Si tu vole tu pote inviar me le documento didactic que tu ha preparate con
mi messages, preferibilemente in Word.

josulavinAThotmail.com

AT = @

e io, si necesse, facera le correctiones o addenda opportune, e io te lo
reinviara.

Istos es le verbos in Romanica. In Interlingua on poterea adaptar prendente
le tertie persona como tu ha facite in le ultime message (comprendevit).

Ma in Interlingua il ha le mesme immobilismo quam in Euskaltzaindia!

ROMANICA permitte gratias a iste systema verbal un restructuration mental
pro un plus correcte uso del intellecto.

Ille qui non vole vider lo, indubitabilemente, non lo videra!

Josu Lavin
Presidente del Academia pro Interlingua
Presidente de la Academia pro Lingua Romanica
Presidente de su casa quando ibi non sta su femina ;-)
**************************************