Mi interfacie de cerca pro dictionarios, rudhar.com/dcia, in le
septimanas passate, si non menses, esseva plus lente que antea.
Le causa es io usa in mi servitor de web ora Alpine Linux. Io ama
iste distribution, que es parve, secur e efficiente, plus que
Ubuntu e Debian.

Alpine Linux usa busybox, que es un collection de multes del ben
cognoscite utensiles de Unix, jungite in un sol programma. E illo
usa le bibliotheca musl, efficiente e de bon qualitate
(https://rudhar.com/sfreview/siworin/siworin18.htm), plus que le
bibliotheca glibc, parte del famose GNU. Glibc contine errores
seriose (https://rudhar.com/sfreview/siworin/siworin17.htm), e il
sembla que nemo seriosemente essaya solver los.

Tamen, le grep como parte de busybox es notabilemente minus
celere que le grep de GNU. Le differentia es clarmente notabile
in mi interfacie de dictionarios, que intensivemente conta super
iste programma grep. On debe in iste programma haber applicate
optimalisationes multo astute e effective! Pro isto io ha
installate le grep de GNU in Alpine Linux. Isto es facile:

Primo grep es in busybox:
ls -l `which grep`
resulta in:
lrwxrwxrwx    1 root     root            12 Aug 22 14:43
/bin/grep -> /bin/busybox
Le "programma" grep non es un programma, ma un ligamine symbolic
al cultello de tasca suisse busybox.

On pote installar le version grep de GNU assi:
sudo apk add grep
Post illo le mesme
ls -l `which grep`
produce:
-rwxr-xr-x    1 root     root        182320 Aug 15  2021 /bin/grep
Ora grep es un ver programma de quasi 200 kiB. E de GNU, nam
grep -V
nunc dice:
==
grep (GNU grep) 3.7
Copyright (C) 2021 Free Software Foundation, Inc.
License GPLv3+: GNU GPL version 3 or later
<https://gnu.org/licenses/gpl.html>.
This is free software: you are free to change and redistribute it.
There is NO WARRANTY, to the extent permitted by law.

Written by Mike Haertel and others; see
<https://git.sv.gnu.org/cgit/grep.git/tree/AUTHORS>.
==

Le promptitude de rudhar.com/nlia es importante pro me, proque io
ha justo initiate, mesmo inchoate on poterea dicer (-:), un nove
traduction litterari: das Urteil, per Franz Kafka:
https://rudhar.com/writings/Kafka/dasUrteil/Urteilia.htm, ab le
germano a in interlingua. Franz Kafka ha scribite le original in
un sol nocte (22 a 23 de septembre 1912; 110 annos minus un mense
retro). Potera io traducer lo in un sol die? Io pensa que no, io
es ja satisfacte si io succede in un septimana.
--
Ruud Harmsen, http://rudhar.com


--
Pro leger le archivos e pro modificar o cancellar le subscription:
http://listserv.icors.org/archives/interlng.html