A TENER LE NEGOTIATIONES DE ACCESSION SUPER LE VIA
Commisario de relationes extranier Hans Van Den Brock cercava a reassecurar
europarlamentarios aqueste mense que le processo de alargamento esseva
ancora super le via. Le propositiones del Agenda 2000 del Commission
renderea capace le UE a expander se de 15 a 25 o 27 statos in annos futur.
Le Commission calcula que natural crescimento economic in le 15, accopulate
con le economias del reformas financial PCA e regional, va generar un extra
euro 3 billiones per anno. Aquesto essera usate in adjuta preaccessional
designate a levar le servicios transportari e social a nivellos requirite in
le paises in question in le periodo de 2000-2006. Al mesme tempore le
Commission crede que le UE pote remaner in le limitate currente budgetari
de 1,27 pro cento de producto national brute. Le Commisario addeva que
extra adjuta bilateral del statos membros significarea un toto de alcun
euro 70 billiones essente disponibile pro alargamento.
Nonobstante, multe europarlamentarios questionava si aquesto esserea
sufficiente in vista del lacuna vaste in ricchessa inter paises in Europa
Oriente e actual statos membros del UE. Portavoce del Committee Regional
Ralf Walter (D, PSE) faceva le puncto que le producto domestic brute per
capita esseva un medio de solmente 35 pro cento del medio UE. Previemente in
le mense al session plenari in Brussels, Sr. Van Den Brock al presentation del
reporto del Commission super le progresso del paises in question, diceva que
il costarea inter euro 50bn e euro 90bn a levar le servicios transportari solo
al nivello de standards occidental. In addition, le costos de adaptar
legislation al necessitate del mercato unic e altere obligationes UE -
includente le union monetari - debe esser prendite in conto. Sr. Van Den
Brock animadverteva que progresso in allinearize legislation al requirementos
del UE ha essite lente in le Republica Chec e Slovenia, duo del sex paises
selectionate pro devenir membros in le prime unda (le alteros es Polonia,
Hungaria, Estonia, e Cypro). Alteremente le Commission confirmava que
Hungaria e Polonia esseva al testa con respecto al disveloppamentos economic
e le introduction de un economia de mercato functional secundo lineas
occidental.
Contra aquesto, le Presidente del Corte de Auditores, Bernhard Friedmann
ha animadvertite que in le climato currente de instabilitate in mercatos del
mundo sequente le crise in Asia e Russia, mesuras plus drastic que aquellos
proponite per le Commission pro reformas PAC esserea necesse pro stoppar le
costos de ultrapassar. "In vista del situation currente, le precios garantiate
debe esser reducite plus drasticamente que le Commission ha proponite,
pro prevenir surpluses e le costos associate de reimbursamentos exportari e
inmagazinagari," ille diceva. E ille addeva que il esseva irrealistic
pro le Commission a propone justo euro 500m in adjuta agricultural pro le
nove statos membros. Pagamentos directe agricultural de alcun euro 3.3bn
debe esser contemplate.
Mais europarlamentarios esseva anxie a facer le emphase del importantia
politic de cementar le Europa Oriental al UE sequente le fin del Guerra
Frigide e poneva multo emphase super consolidar le democratia e le
regula del lege con respecto al respecto de derectos human. Como
Gary Titley (Greater Manchester West, PSE) lo exprimeva: "le moneta non
es superior al democratia", ben que il animadverteva que il habeva
un necessitate de obtenir appoio de cititanos UE qui esseva al presente
o indifferente o hostile al integre processo. In aquesto contexto, il
esseva vital a assecurar que fundos usate esseva clarmente directe a lor
objectos e non capturate per le corruption. Como ille lo poneva:
"in vista del scandalos recente del Commission, nos debe assecurar que
aqueste projecto non es corrumpite per alcun dubitas super le maniera
in le qual le moneta es administrate."
EP NEWS November 1998, Irish-English version.
Traducite per Stanley Mulaik
|
