sig wrote:
>
> Como vive vos altere?
>
> Quando leger le plen conto de activitates de Stan le fin de septimana
> passate, io esseva rememorate a un de mi vetere ideas, a saper un
> inguesta a nostre modo de viver. Hic, ubi io ha ponite mi "pichettos de
> tenta", l
> e natura es multo proxime.

Gratias pro le description interressante e sympathic del loco ubi tu
vive.


> Le natura es bellissime hic, ubi vive solmente io e mi sposa.
> Io ha recentemente colligite le pomos restante post que le (=MOOSE)
> ha adjutate consumer le majoritate de illos (aaaaargh!).

Io non sape como on dice "MOOSE" in interlingua. In francese, il ha duo
parolas, un in Europa "elan" e un in Canada "orignal". Hic in Canada, il
ha multo "mooses". Io nunquam habeva vidite iste animales ante de venir
in Canada. Io trova que illes son amusante, como adolescentes qui ha
crescite rapidemente e qui ha tropo longe gambas.
>
> Como vive vos altere?

Io vive in le "Alpes" de un edificio = al ultime etage! Ma le edificio
ha solmente 4 etages...un parve Alpe... Felicemente, proque il ha nul
ascensor! (io recipe exercitation muscular gratuite cate vice que io
debe portar le  specieria!!) Mi appartamento es minuscule, ma me place :
un camera pro mi filio (plen de aviones...) un minuscule camera pro me,
un minuscule salon,  un cocina e le camera de banio. E un parve balcon.
Le edificio es in le urbe de Sherbrooke. Ma le vista es agradabile.
Sherbrooke es un urbe con plure collinas e multo arbores. Desde le
balcon on pote vider le Universitate sur le collina.

Oooh! Ma excuse, Sig, io non ha ben respondite a tu question... tu
demandava COMO nos vive. Io vive ben, e con multo confectura... si, si!
Proque, como dice tu collega le mago tribal Nostradamus : "La confiture
chasse la mélancolie et retarde la vieillesse" = Le confectura chassa le
melancholia e retarda le vetulessa. Tu es de accordo con tu collega,
nonne? :-))

Confecturamente,
Anne