Iste matino io me dava un programma pro me multo ingagiante, assi io debe
continuar lo e io ha poc tempore.
Totevia io ha visitate le nove sito que ha un Redaction de prime grandor:
Thomas Breinstrup, Ingvar Stenström e Jesper Olsson!

Congratulationes per iste initiativa. Bravos vermente!

Eh! Io non poteva dedicar me a leger ben le varie paginas, ma io lo facera
presto. Io ha observate isto:

1 - Un belle solution pro Interlingua. Io es del idea que le pluralitate del
sitos, e consequentemente del webmasters e del autores, non sera alteremente
que utile a Interlingua. Iste sito non ha solmente duo nomines como
Stenström e Breinstrup; pro me illo habera le function de un equilibrio re
le qualitate e le uso de Interlingua, que pro me es necessari como un
garantia verso le origines del lingua e su genuinitate.

2 - Optime notitia illo de leger que le Presidente del U.M.I. es membro del
Redaction. Isto in me crea attesa de grande initiativas, anque pro un
projecto apte a potentiar le medios financiari del Union, io spera.

Gratias, al fortuna del nove initiativa e con le plus cordial ciao,

Mario Malaguti


>From: Thomas Breinstrup <[log in to unmask]>
>Reply-To: "INTERLNG:  Discussiones in Interlingua"
><[log in to unmask]>
>To: [log in to unmask]
>Subject: Interlingua 2001 - felicitationes!
>Date: Mon, 15 Jan 2001 10:23:43 +0100
>
>Car omnes.
>
>Hodie es le grande die: Interlingua ha 50 annos - felicitationes a omnes
>qui labora pro e in interlingua!
>
>Durante le passate medie anno, un redaction danese-svedese-nederlandese
>ha laborate pro colliger tante pecias al puzzle que es le historia de
>interlingua. Nos es felice de poter annunciar ora le apertura official
>del sito in Internet justo hodie.
>
>Visita Interlingua 2001 al adresse http://www.interlingua.dk/2001.htm
>
>Malgrado le effortios del redaction, le material debe tote le tempore
>esser supplementate. Un serie de nove articulos es sub preparation. Nos
>spera multo que vos in iste foro vole contribuer con ancian documentos,
>narrationes personal, presentationes de obras e magazines que vos ha
>redigite, etc. Specialmente interessante es ancian photos. Vos es anque
>multo benvenite plenar le lacunas de informationes mancante, si vos lo
>pote. Le adresse de e-posta al redaction es sempre
>[log in to unmask] (e, per favor, usa iste adresse quando vos ha
>contributiones, gratias!).
>
>Con mi optime salutes - e sperante multe reactiones
>Thomas Breinstrup

_________________________________________________________________________
Get Your Private, Free E-mail from MSN Hotmail at http://www.hotmail.com.