On Tue, 24 Oct 2006 00:34:39 +0200, robocap on wind <[log in to unmask]> wrote:

>In iste dies Europa rememora le vil invasion de Hungaria in le octobre
>1956 per le carros armate sovietic, e le victimas civil e le orgoliose
>resistentia del populo hungare.
>
>QUI OBLIDA LE HISTORIA ES DESTINATE A REPETER LO.
>---
>robocap

Car Robocap!

Io te regratia, que tu ha mentionate iste 50me anniversario del revolution
hungare, e non io; assi io non pote ser accusate per nationalismo hungare, etc.

Recentemente io faceva un entrata super iste thema in mi blog, vide:
http://zalaegerszeg.blogspot.com/2006/10/1956-tu-stella.html , con
referentia a un entrata plus anterior in iste thema.

Heri e anteheri multe eminente politichistas de alte position (reges, forsan
anque regina, duces, presidentes, prime ministros, ministros, ambassatores)
era hospites in Budapest pro participar in le occassiones festive
(professionalmente organisate).

Ma al mesme tempore le policia expelleva per fortia (gas lacrimogene,
cannones de aqua, projectiles de gumma) le demonstrantes del placia Kossuth
(un placia central ante le Parlamento) e de altere locos de Budapest, il ha
secundo mi ultime cognoscentia duo vulneratos periculosissime e multe altere
vulneratos e arrestatos. Le television monstrava e le reporters diceva, que
tote le centro de Budapest "odora" de gas lacrimogene, e lo que mesmo un
estraniero non sapente le hungaro era battite per le policieros a su capite
assi, que ille debeva ser transportate in le hospital, proque su capite
irrumpeva. On dice, le policieros ha battite mesmo vetules e feminas (un
femina ha monstrate al camera le loco del vulnere facite per le projectil de
gumma).

Le demonstrationes es constante e dura sin interruption in Budapest e in le
pais ja desde septimanas post quando un oration non-public del prime
ministro GYURCSÁNY Ferenc era publicate. Io ha formulate un email super le
occurrentias recente in Hungaria pro le interessatos e lo ha inviate a illes
privatemente. Ma si vos vole, io pote publicar lo anque hic, in iste lista.
(Ma attention: illo es longe! :-) ).

Péter Kovács
(Hungaria)

--
Archivos e disabonar: http://listserv.icors.org/archives/INTERLNG.html