Car lectores, le quales vole practicar interlingua, como un instrumento del communication immediate!

Le sequente chat de / in interlingua occurera sabbato (deman!), le 26 de martio 2005, post le 20e hora secundo le tempore de Europa Central del hiberno (19 h UTC) al canal #interlingua del servitor Discussioni.

Per favor inviar iste message o le information a coollist de plus al listas national de interlingua (interlingua Italia, le lista polonese, etc.), proque io non ha accesso a illos, e pote esser, que il ha alicun interlinguistas, que non son membros de iste lista INTERLNG, assi illes non poterea esser informate super le data del chat.


Le accesso al chat ha tres manieras, selige lo que es le plus amate o plus simple pro te (o simplemente lo que functiona a te... :)) )!


1) a) Usa un cliente de IRC (p. ex. le programma mIRC, etc.), b) selige le server irc.discussioni.org (del lista del programma, o per le ordine de irc: /server irc.discussioni.org ) c) selige le camera de interlingua, ( #interlingua) secundo le maniera determinate per tu programma, o per un ordine de IRC: /join #interlingua . Aut:

2) a) Vade al sito: http://www.discussioni.org/cgi/irc.cgi , b) scribe in le quadretto "nickname" tu proprie pseudonymo in vice del nomine apparente, c) substitue le nomine del camera, le qual appare automaticamente in le quadretto "channel" al #interlingua (per favor non oblidar le signo #), e d) postea solmente clicca al button "Login"! E tu post momentos trovara te in le camera del chat de interlingua! O:


3) Vade al sito official de interlingua http://www.interlingua.com (le ligamin immediate es: http://www.interlingua.com/practica.htm#irc ), e solmente seque le instructiones.

A revider, a rescriber sabbato (deman!) post le 19e hora secundo le tempore universal (20e hora secundo le calculation de tempore centro-europee)!

KOVA'CS Pe'ter

Hungaria