Io nota tu remarcas a Kjell Rehnström:

Il non es necesse de apprender e le formas regular e formas supinal simultaneemente. Le formas regular (que es appoiate per le espaniol) 
es totemente acceptabile.  Mais si tu vole apprender le formation de
parolas in interlingua, tu debe apprender le formas supinal.  E a aquelle tempore tu pote commenciar de apprender le collateral formas supinal, proque illos es necesse in le formation de parolas a parte de verbos in
-er in derivationes: Le regula simple es le suffixos -o, -a, -ion, -ive, -or, -ori, -ura, -rice es quasi semper addite al fin del thema del participio perfecte del verbo, e si le verbo ha un irregular participio
perfecte supinal, adder los a isto.

crear create creation, creator, creative, creatura, creatrice
ager [ag-/act-;-ig-/-act-] agite/acte, acto, action, active, actor, actrice
caper [cap-/capt; -cip-/-cept] capite/capte, caption, captive,
      captor, capturar, captura, acciper, accipite/accepte, acception,
      acceptive, acceptor; conciper, concipite/concepte, conception,
      conceptual, concepto; deciper, decipite/decepte, deception, 
      deceptive, deceptor; inciper, incipite/incepte, inception,  
      inceptive
aggreder [-gred-/-gress-] aggredite/aggresse, aggression, aggresive, 
      aggressor.

Le primari thema del verbo es sovente usate con suffixos como -ile,
      -ibile, -ente

Le poter de interlingua es su familias derivational.  Possibilemente tu non
vide immediatemente le connexion inter 'caper' e 'conciper' e 'concepto'
e 'conception'. Mais si tu apprende e le thema principal e le thema 'supinal'
tu pote vider le connexion, e pote derivar tote le membros del familia.

Le parola 'connecter'[-nect-/-nex-] es le principal forma del verbo.
'Io ha connexe' (non 'io ha connecte']. Isto sembla deviante proque le
principal thema ende in -cte, que es in le formas supinal de altere verbos
como 'concepte', 'conception'. Non sia deviate.

Multe nove verbos 'frequentative' es basate super adder -ar al thema
supinal de un verbo.  'caper, capte, captar, caption, captative, captation.'
Originalmente 'frequentative' verbos in latino esseva pro action 
repetitive, mais plus tarde illos refereva a actiones indurante, forte.
capere => captare => captiare => catiare => caciare (in latino, vul. latino
e medieval latino.

 Stan Mulaik
 

>Senior Rehnström,
>
>Il es ver que iste forma supinal es un carga additional pro memoria de
>usatores de interlingua ma on pote esser secur que nostre capites son
>capabile de supportar iste carga e multo, multo plus. Homines apprende
>lingua plus complicate que interlingua con iste formas, nonne?
>
>Le problema es forsan le tempore que on debe sacrificer a apprender un
>lingua. Certo, on prefere que interlingua sia le plus facile a apprender
>que possibile in le minimo tempore possibile. In caso de interlingua de
>IALA io ha apprendite iste lingua e usava lo pro leger textos, audir
>Radio Interlingua etc. pro qualque annos sin cognoscentia de iste formas
>e de lor existentia in interlingua.
>
>Alora, io ha apprendite que p.ex. un libro pote esser lecte in vice de
>legite un poco per accidento quando io era ja un usator satis avantiate
>e apprender iste formas esseva assatis facile. Io non sentiva que io
>veremente passa o perde mi tempore pro apprender les. In facto io ha
>apprendite multo legente textos in Almanac. Postea iste cognoscentia me
>ha multo adjutate quando io debeva apprender un poco latino classic
>durante mi studios universitari. Nunc io ama tal formas multo.
>
>Dunque io crede que il es importante a qual nivello de avantiamento in
>interlingua on habe le prime contacto con iste formas. Tamen, io non es
>secur como isto functionarea in caso de un persona qui es usator native
>de un lingua non-romance pro qui interlingua es le prime e le sol lingua
>estranie apprendite in su omne vita. Esque existe o existeva ja tal
>personas?!
>
>Multo cordialmente,
>Gabriel


--
Pro leger le archivos e pro modificar o cancellar le subscription:
http://listserv.icors.org/archives/interlng.html