----- Original Message -----
From: "KOVACS Peter" <[log in to unmask]>
To: <[log in to unmask]>
Sent: Friday, December 23, 2005 9:24 PM
Subject: Re: [INTERLNG] Costumes natal

>>Io suppone, iste tradition (dansar a un festa de origine religiose, plus
proximemente christian) ha certemente su forte radices pagan (ben que facer
un abiete star in le appartamentos in le Natal non ha un troppo longe
tradition).<<

Como tu, io anque ha audite, que le tradition de arbores natal es
relativemente nove. Io ha legite, que illo (le costume) veniva ab Germania a
Danmark in le dece-none seculo.

Ma io ha anque audite, que on habeva originalmente un simile costume in le
era ante-christian in Scandinavia e/o alterubi in le nord de Europa - on
portava un arbore a casa e illuminava lo, pro celebrar le solstitio.
(Celebrar que nunc le dies esserea de novo plus longe e plus calide etc.)

A proposito a lo que tu scribe in re le elementos pagan in le christianismo,
io pote narrar, que le parola danese pro natal - 'jul' esseva certo anque
usate in le era ante-christian del grande festa de solstitio. Nos reteneva
le parola pagan, e in nostre tempore, le natal danese se ha plus o minus
cambiate retro a un festa pagan (o in omne caso non-religiose). :-)

Lars

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================