Car Kristen!
Io ha promittite, que io continua dar te consilios a comenciar apprender interlingua (certo alteres poterea dar plus bon consilios, ma io lo ha promittite, dunque io debe terminar iste cosa nunc).

Un multo bon possibilitate a apprender interlingua es, que participa in le conferentia iste estate in Svedia. Vide plus detalios sub: http://www.interlingua.com/conferentia/2005/ . Ibi on organisara curso pro comenciantes.

Il ha un multo bon curso monolingual de interlingua in le rete; un curso de conversation, que concentra se al lingua quotidian; vide lo in pdf hic: http://www.angelfire.com/on/vberg/Conversation_Interlingua-OO.pdf o hic: http://www.interlingua.nu/elibros/Conversation_interlingua.pdf ; e illo es discargabile a tu proprie computator etiam in Rich Text Format (Microsoft Word) de hic: http://www.angelfire.com/on/vberg/Conversation_Interlingua.rtf

Si tu vole plus seriosemente occupar te con interlingua, tu deberea mandar le manual de Ingvar Stenström del Servicio de Libros; vide: http://www.interlingua.com/libros/ia.htm . Iste libro contine textos solmente in interlingua; tu debe mandar anque alicun supplementos in linguas national (inter illos tu certo trovarea un tal supplemento, que esseva scribite in un lingua cognoscite per te): http://www.interlingua.com/libros/index.html .

Ecce forsan le plus importante ligamines; on poterea dar mesmo plus (le alteres poterea scriber plus ligamines e ideas pro te).

Un cosa ancora: il es multo importante apprender le lingua per practica. Un chat in interlingua es multo bon pro isto; vide mi sequente littera super le detalios, como a connecter te al chat in interlingua. Si tu entra in le camera de chat pro interlingua, il non es problema, si tu ancora non parla interlingua; nos es ibi pro adjutar te directemente, immediatemente, in tempore real a acquirer interlingua.

Péter Kovács