Salute!
Ego ha comprendite que le prototypo = le parola interlingua, essente le
prototypo del vocabulario international.

In senso stricte latino non es un del linguas contribuente a interlingua.
Solo le restos de illo que ancora vive in le linguas de fonte. Le grammatico
Wilgenhof opina que on deberea etiam acceptar latino como un lingua de base.
Ego es contra isto, proque illo creara plus de problemas que illo solve.
Crede me!

Frequentemente ego ha le senso que on in le introduction de IED adapta le
definitiones a un objectivo jam definite. Le resultato tamen principalmente
es bon.

Le altere die - un anglicismo ci :-) - ego era in contacto con un homine in
re nomines de locos de linguas minoritari. Naturalmente ego scribeva in
interlingua. Mi interlocutor ha comprendite toto - obviemente - ma conclude
que le possibilitates de un lingua auxiliar es... zero!

Le vita es a vices (de tempore a tempore) assatis amusante.

Valete
Kjell Rehnstroem
Vaenortsgatan 87
S - 75264 Uppsala
email: [log in to unmask]