Car amicos,

Nos anque debe discuter nostre situation presente e le futuro. Io ha jam
signalate iste thema. - Nos ha nunc habite un discussion re interlingua como
illo es e qual formas que es le plus correcte e stabile pro le futuro. Le
receptos general que Dr. Gode ha nos date me sembla stabile. Tote linguas
besonia adder a e refrescar su terminologia e Dr. Gode ha nos date le
"toolbox" (cassa de utensiles) pro isto. Nos forsan non (ancora) ha slang e
sociolectos. Nos sape ben como adder terminologia apte pro nove
phenomenos.....

Ma nos parve individuos in le strata sape quasi nihil super nostre
associationes national e UMI e le planos e labor actual. Personalmente io ha
essite presidente durante plure annos del SSI (svedese) ma ha lassate le
direction desde longe proque io ha me approchate le vetulessa. Io ha hodie
80 annos. Io ha contacto con plure interlinguistas de nationalitates
differente. Io ha anque essite le secretario durante le fundation del nove
statutos de UMI. Io es interessate in le nove technologia general e
particularmente re le possibilitates de Internet..... Ma io sta hic quasi
solo e vide e audi nihil re planos e activitates in UMI e le altere
associationes national. Esque le associationes national ancora vivente?
Esque possibile a aperir un connexion e-postal con le britannicos? Quanto
grande es le tirage de Panorama? Io ha plure, plure tal questiones.
Probabilemente plures lo ha. Io ha tentate plure vices a eveliar un
Yahooforo pro membros in SSI. Non ancora succedite. Nos besonia membros
active qui osa usar interlingua. Io retorna a:

Nostre scopo general es a facer interlingua un lingua mundial! Nostre
membros va lo facer!

Si iste foro, INTERLNG, primarimente es designate pro exercitios linguistic
- nos besonia hic alcun instructores/consilieros. Pro le thema *scopo
general* e le labor pro attinger lo nos sembla ha besonio de un nove foro
designate pro isto. Forsan anque UMI debe haber un rolo plus gerente e non
como nunc un rolo primarimente pro coordination del labor del associationes
national. Io cognosce le problemas con le vacantias in le Secretariato
General.

Io debe adder que io ha multo collaborate con Josu Lavin. Io admira su
diligentia e su labor effective con dictionarios e su vitalitate a probar
possibilitates differente. Ille ha me honestemente dicite que ille reguarda
Interlingua como numero 1 e le fundo. Romanica (interlingua con genus e
casus) ille trova plus natural pro romnophonos. Naturalmente io es multo
hesitante a isto. Ma il non ha essite un obstaculo pro bon cooperation re
Interlingua. Nos besonia personas active!

Janne

-- 
Jan Årmann
Generalsgatan 12 E, SE-903 36 Umeå
Tel +4690771525
Mobile +46706594934
www.armann.se

--
Archivos e disabonar: http://listserv.icors.org/archives/INTERLNG.html