Car amicos!

Le sequente occassion del chat occurre sabbato (deman, le 30 de septembre), post 18h UTC (i.e. Tempore Universal) = 20h CEST (i.e. Tempore /Estive/ Centro-Europee), al canal #interlingua del irc-servitor Discussioni.

Le accesso al chat ha duo manieras, selige lo que es le plus amate o plus simple pro te (o que functiona a te :) )!

Seque le instructiones sub le ligamine http://www.interlingua.com/practica o lege le mesmes hic infra.

Methodo 1) 

a) Usa un cliente de IRC (p. ex. le programma mIRC, etc.), b) selige le server irc.discussioni.org (del lista del programma, o per le ordine de irc: 
/server irc.discussioni.org ) 

c) selige le camera de interlingua, ( #interlingua) secundo le maniera determinate per tu programma, o per un ordine de IRC: 

/join #interlingua .

Methodo 2) 

a) Vade al sito: http://www.discussioni.org/cgi/irc.cgi , b) scribe in le quadretto "nickname" tu proprie pseudonymo in vice del nomine apparente, c) substitue le nomine del camera, le qual appare automaticamente in le quadretto "channel" al #interlingua (per favor non oblidar le signo #), e d) postea solmente clicca al button "Login"! E tu post momentos trovara te in le camera del chat de interlingua! 

(Ben que iste recente es le plus simple maniera de accesso pro homines non tal habile in cosas computatorial, non isto es le plus recommendate maniera, pro que le connection retiari - webchat, javachat - es sovente multo instabile e lente. Le plus recommendate maniera es le 1); isto assecura le plus stabile connection al canal.)


A revider in sabbato (deman!), post 18h UTC (20h CEST) al canal #interlingua del servitor irc.discussioni.org; in le chat de interlingua!

KOVA'CS Pe'ter


--
Archivos e disabonar: http://listserv.icors.org/archives/INTERLNG.html