On Thu, 8 Dec 2005 16:02:53 +0100, GUNVOR ENFORS <[log in to unmask]> wrote:

Erik Enfors scribe:

>> >Car Peter!
>
>Isto vermente es un bon initiativ[a]. Leger libros es importante pro apprender
>un lingua e in plus isto es le plus amusante maniera facer lo.
>    Io ha legite multe libros ab Servicio de Libros e un[-] que io rememora
>ben es "Le casa del sonios" per A.Petit.<<

Io non memora iste libro del tabula in le grande sala Gode in Asa, Svedia,
ubi le conferentia international de interlingua occurreva. Forsan non omne
libros es acquiribile, que es annunciate in le rete, non omnes es in stock.
De plus io un vice probava mandar electronicamente alique per plenar le
formular electronic in le pagina de rete del Servicio de Libros, ma nulle
responsa veniva. Io ha consultate con Martijn e ille proponeva, que io
scribe un email a mandar cosas. Dunque isto es le plus secur maniera.

>> >Le nomine del autor es un
>pseudonymo pro Frits Goudkuil, le previe gerente de Servicio de Libros e le
>libro se tracta del juventute fascinante del autor durante le guerra in
>Nederland.
>    Interessante es que iste libro originalmente es scribite in interlingua!
>    Illo contine 113 paginas e il es multo facile leger lo gratias al
>vocabulario simple. Non sin humor illo demonstra le realitate dur del juvene
>puero quando ille comencia in un nove schola, un situation que anque in iste
>dies es un realitate commun pro multe infantes infelice.
>
>    Le titulo del libro se refere a sonios estranie que se realisava quando
>le familia comprava un casa abandonate ubi un par vetule sorores se habeva
>dedicate a ocultismo. Un serie de eventos supernatural seque e fini con un
>accidente tragic quando un  camerada de schola esseva occidite.
>
>    In le fin del libro le puero es fortiate celar se del nazis lo que es
>describite in un maniera multo humoristic. Le parve puero naive, qui esseva
>multo interessate de bicycletas, credeva que le cruce del bandiera nazi
>significava "un par pedales de bicycleta cruciate"
>
>:-).
>
>
>Con salutes litterari,
>
>Erik Enfors<<

Gratias, Erik pro le longe reporto; io ha pensate a tal reportos, quando io
ha annunciate iste thema. Alteres de iste sorta sera benvenite del alteres!

Petro Kovács

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================