Hodie in le Statos Unite es le Die de Dar Gratias, un feria major e importante
in le calendario.  Io e mi sposa nos jungeva con le familia de me filio
Roberto e le familias de su sposa al casa del patre del sposa. A isto esseva
non solmente le patre, mais su sposa divorciate, e le familias de duo fratres
del sposa de mi filio.  Desde le maritage de mi filio, nos ha jungite con
illes a iste occasiones.  Il es interessante que le patre e matre del sposa
de mi filio es divorciate, mais illes rejunge se temporarimente pro mantener
le unitate del familia, lor pueros e pueras e lor filios e filias. Nos
initialmente discoperite isto quando mi filio Roberto se maritava su sposa a
un cosa al plagia in Florida, alcun pauc annos passate.  Le ceremonia del
maritage esseva arrangiate a iste tempore pro confluer con le reunion del
familia del patre e matre, e le familias de lor duo filios e tres filias.
E le casa al plagia esseva prendite in location pro un septimana in junio,
al commenciamento del estate. Le patre e matre remane divorciate, e habita
differente statos e citates.  Nonobstante illes ha facite iste accordo a
rejunger lor filias e filios e lor familias a importante ferias, como le
Dar de Gratias (Thanksgiving) e le Natal.  E nos recipe multo placer in
junger nos tanto ben con illes a iste occasiones.

Nostre placer esseva augmentate per le facto que nostre granfilia, Mallory,
ha su anniversario heri.  Illa ha un anno. E io rememora ben le ultime
Die de Dar Gratias, realmente, le integre septimana, proque mi filio e io
participava in le transaction de comprar su nove casa durante que su sposa
esseva al hospital parturiente Mallory, e alora veniva le Dar de Gratias,
alora le dies sequente in que nos adjutava mi filio Roberto a mover su
mobiles 25 milas al nove casa. Tal confusion! Io rememora quando io e
Roberto essayava a disconnectar le machina a lavar, e le tubo in le muro
se rumpeva, con le aqua effundente se in le muro.  Le patria del sposa de
mi altere filio, Stephen, esseva illac, e ille prestemente trovate le
valvula pro le aqua in le camera pro le calefactor del aqua, e ille
claudava le valvula, durante que le resto de nos esseva al fronte del casa,
presso le strata, cercante pro le valvula primari al connexion al systema
de aqua. Ille salvava nos!  Ora, iste Die de Dar Gratias, le sposa del
patre del sposa de mi altere filio, Stephen, es illa mesme in le hospital
pro un operation.  E casua de isto nos non ha jungite nos con le familia de
mi altere filio, proque illes es preoccupate con isto.  Nos ha apprendite que
illa ha habite un operation succedite, e toto es ben.

Mais iste Die de Dar Gratias esseva multo placente.  Le alimento esseva
deliciose--mi filio ha maritate se a un familia de bon cocineras.  Nos
habeva le traditional Meleagris gallopavo (gallo de India?), e le gambon,
e le patatas e regular e dulce, e finalmente le torta de Cucurbita (nomine
scientific del geno).

Un bon die!
Gratias pro tote bon cosas!

Stan Mulaik