Car Givanni, car omnes,
Le duo messages super Netsukuku es multo interessante. Io crede que nos pote
haber sympathia pro tal solutiones del rete que face possibile a
corresponder anonymemente. Ma nos anque ha grande besonio del opportunitates
e possibilitates del Internet presente, p. ex. usar Google, operar nostre
contos bancari e plure altere functiones. Esque isto possibile in Netsukuku
e altere tal retes celate?

On pote trovar presentationes de altere solutiones como
Darknet<http://en.wikipedia.org/wiki/Darknet>e
Freenet <http://freenetproject.or>

Janne (Jan Årmann)

On 24/09/06, Giovanni Nappi <[log in to unmask]> wrote:
> 2. Le rete Netsukuku
>
> Netsukuku es un rete maliate (en: mesh network) o un systema par-a-par
> (en: peer to peer, p2p) qui se crea e se mantene autonomemente.
> Netsukuku ha essite projectate pro gerer un numero illimitate de nodos
> con un minime uso de UPC=Unitate de Processation Central (en: CPU) e
> memoria. Aqueste characteristica sue pote esser profitabile pro
> construer, sin le supporto de alcun servitor o PSI, un rete global
> distribuite, anonyme e non controllate, separate de internet.
> Aqueste rete es formate per computatores connectite phisicamente inter
> se, ergo illo non es construite super alcun altere rete. Netsukuku se
> occupa solmente de construer le routes qui connecte tote le
> computatores del rete.
> In altere parolas, netsukuku substitue le nivello 3 del modello
> ISO/OSI con un altere protocollo de instratamento.
>
> Pois que netsukuku es un rete distribuite e non centralisate, es
> possibile implementar super illo effective systemas distribuite, como
> per exemplo le 'Abnormal Netsukuku Domain Name Anarchy' (ANDNA), qui
> substituera le actual systema hierarchic e centralisate del SND.
>
> 2.1  Gandhi
> Netsukuku se crea e se gere per se mesme.
> Un nodo se uncina a netsukuku, le rete se auto-rescribe e tote le
> altere nodos cognosce qual es le stratas le plus veloce e efficiente
> pro communicar con le nove venito.
> Le nodos non ha privilegios o limitationes respecto a altere nodos,
> illos face parte del rete e contribue a su expansion e efficientia.
> Con le augmentar de lor numero, le rete cresce e se perfectiona.
> In netsukuku nos non ha alcun differentias inter retes private e
> pubblic e non ha alcun signification parlar de LAN (Local Area
> Network, Rete de Areal Local).
>
> Netsukuku non pote esser controllate ni destructe pois que illo es
> totalmente decentralisate e distribuite. Le unic maniera pro sorveliar
> o dismantellar netsukuku es abatter phisicamente cata singule nodo qui
> lo compone.
>
> 2.2  No nomine, no identitate
> In netsukuku qualcunque persona, in qualcunque loco e in qualcunque
> momento pote uncinar se immediatemente al rete sin passar a transverso
> adempimentos bureaucratic o contractual.
> In ultra, cata elemento del rete es extrememente dynamic e non remane
> jammais equal a se mesme. Le adresse IP, qui identifica un computator,
> es seligite casualmente, ergo es impossibile associar lo a un loco
> phisic precise, e le mesme routes, formate per un numero innumerabile
> de nodos, tende a haber un complexitate e densitate tanto elevate, que
> le traciamento de un nodo deveni un interprisa epic.
> Pois que non existe alcun contracto con alcun societate, le velocitate
> del transferimento del datos es limitate unicamente del technologia
> actual del carta retiari.
>
> 2.3  Assi, que es netsukuku?
> Netsukuku es un rete maliate o rete p-a-p componite per un protocollo
> retiari pro le instratamento dynamic, appellate Npv7_HT.
> Actualmente existe multe protocollos e algorithmos pro le
> instratamento dynamic, mais a differentia del Npv7_TH, illos es usate
> solo pro crear micre e medie retes. Equalmente le router de internet
> es administrate per differente protocollos como OSPF, RIP o BGP, le
> quales usa differente algorithmos classic pro trovar le strata melior
> pro vader a un nodo de un rete.
> Aqueste protocollos pete un consumo de CPU e memoria elevatissime, e
> es pro aqueste motivation que le routers de internet es computatores
> appositemente dedicate. Serea impossibile adoptar un de aqueste
> protocollos pro crear e mantener un rete como netsukuku, ubi cata nodo
> es a su vice un router, proque le mappa de tote le routes peterea un
> spatio, super cata computator connectite al rete, de circa 10 GB.
>
> Npv7_TH structura le integre rete como un fractal, e usa un particular
> algorithmo appellate Quantum Shortest Path Netsukuku (QSPN) pro
> calcular tote le routes necessari pro connecter un nodo a cata altere
> nodo.
> Un fractal es un structura mathematic qui se pote comprimer ad
> infinitum, proque cata su parte es formate del fractal mesme. Ergo nos
> ha un compression elevate de un structura qui pote expander se
> infinitemente. Isto significa que es besoniate poc KBs pro mantener le
> integre structura de netsukuku.
> Le structura del mappa pote equalmente esser definite in maniera plus
> precise como un grapho altemente *clusterisate.
>
> Le QSPN, in vice, es un meta-algorithmo proque illo non exeque un
> sequentia de instructiones mathematic definite, mais illo profita le
> caso e le hasardo, qui non pete alcun calculation pesante.
> Le QSPN debe esser exequite super un rete real (o simulate). Le nodos
> debe inviar le pacchettos QSPN pro "exequer" le algorithmo, e pro
> aqueste motivation non es semper ver que un determinate pacchetto sera
> inviate ante un altero.
>
> 2.4  Altere implementationes
> Netsukuku non es limitate al creation de un rete solmente de
> computatores, illo es un protocollo qui implementa un rete pur, e assi
> como cata protocollo de rete illo pote esser usate in tote le
> situationes in le qual nos besonia connecter plure nodos inter se.
> Que nos considera le caso del telephonos mobile. Equalmente le retes
> del mobiles es un rete hierarchic e centralisate. Milles de nodos se
> appoia a un mesme cella, qui pois assortira le traffico al altere
> cellas, qui, in fin, livrara le datos al nodos destinatari. Ben,
> netsukuku pote esser adoptate equalmente del mobiles, rendente
> superflue le existentia del actual gerentes de telephonia mobile.
>
> --
> Archivos e disabonar: http://listserv.icors.org/archives/INTERLNG.html
>


-- 
Generalsgatan 12 E, SE-903 36 Umeå
Tel +4690771525
Mobile +46706594934
Skype: janarm
www.armann.se

--
Archivos e disabonar: http://listserv.icors.org/archives/INTERLNG.html