Subject: | |
From: | |
Reply To: | |
Date: | Wed, 24 Oct 2001 16:11:55 -0400 |
Content-Type: | text/plain |
Parts/Attachments: |
|
|
"Mars Odyssey" in Orbita
le nave exploratori de NASA appellate "Mars Odyssey"
arrivava a Martio de bon hora le 23 de Oct., e tote le
indicationes son que su jet functionava al plan, orbitante
le nave spatial in un orbita elliptic circa le Planeta Rubie.
Equipas de controllo del JPL "Jet Propulsion Laboratory"
de NASA recipeva un signal desde le satellite al 10:55
horas del tarde, secun le hora standard in le costa del Est
del Statos Unite, e il se atende novas que toto continua
ben e le orbita es correcte. Le "Mars Odyssey" gradualmente
se approximara al planeta durante le proxime 76 dies, usante
le friction del atmosphera pro reducer su orbita (un technica
appellate aerofrenamento) usque illo veni a obtiner un orbita
pro scientias de duo horas. Le nave spatial tunc comenciara
mappar le planeta pro 917 dies terrestre, e illo anque servira
como un inter-communicator pro le naves veniente in 2003
e 2004 del USA e international, que descendera al superficie
de Martio. Iste ultime explorator martian porta varie systemas
scientific pro le adquisition de datos et instrumentos pro
meliorar nostre comprension del clima del planeta e le
historia geologic de Martio, includente le cerca pro aqua e
le evidentias de un ambiente que pote sustener le vita.
|
|
|