Subject: | |
From: | |
Reply To: | INTERLNG: Discussiones in Interlingua |
Date: | Sun, 28 May 2000 22:59:26 +0200 |
Content-Type: | text/plain |
Parts/Attachments: |
|
|
Salute omnes!
Mi fratre Jens Petter Nilssen es biologo/jornalista e ha recentemente establite un centro scientific in commemoration del grande mathematico norvegian Niels Henrik Abel.
Le adresse del rete es: http://www.abel.org. Le centro es basate presso a mi citate Risør, in Gjerstad, e le scopo es recercas scientific, cursos pro alumnos e professores, e conferentias pro scientistas. Le labor ha jam comenciate e le Centro-Abel jam ha publicate papeles scientific e ha tenite conferentias scientific.
Mi fratre anque se interessa pro linguas, ille antea habita p.ex. Polonia (1975-76) e Brazil (1984-85) e viagava multe in iste paises e in le paises vicin. Ille parla portugese e polaco in addition a anglese e german. In addition ille va comenciar de nove publicar le plus vetule magazin scientific del scientias naturales de Norvegia, "Magazin for naturvidenskaberne", qui comenciava publicar in 1822/23 e ubi Niels Henrik Abel publicava su prime obras. Le magazin terminava in 1976, ma va recomenciar in 2002.
Mi fratre es anque multo interessate in mi propositon de:
1. Traducer omnes del su sitio rete scientific a interlingua,
2. Publicar summarios del obras scientific in le magazin in interlingua.
Io es obviemente preste a adjutar ille con iste labor, ma io anque cerca alteres qui se interessa pro promover interlingua plus in le mundo scientific e qui vole adjutar. Mi interlingua non es le optime e de plus il es semper melior de esser plure gente pro controlar melior le qualitate del labor.
Ben, io attende vostre responsas.
P.S. Ille naturalmente accepta un ligamine pro UMI in su sitio!
Sinceremente, kjellt
|
|
|