Io non ha studiate le projecto del Rev. Stark, mais io opina que
potesser Jay Bowkes habeva introducite su obra a interlng quando
nos initialmente commenciava interlng.  Il me pare que ille
conserva le suffixos de persona in verbos e le accordo de genere e
numero inter adjectivos e substantivos.  Su projecto es multo
similar a un altere, cuje author io non rememora, que Dr. Gode ha
dicite esseva un parallel projecto a interlingua acceptabile a ille
como un forma de interlingua.  Io esserea interessate in le maniera
in que le Rev. Stark selectiona su vocabulario.  Si ille cerca formas
international, alora ille ha un variante de interlingua, alteremente
ille ha un variante del latino, como le latino sine flexione, mais con
un grammatica un pauco plus complexe.

Ha vos examinate su description de su lingua al sito de Rev. Stark?

Stan Mulaik