Bon die!

Nos vermente vive in tempores meraviolose! Le scientificos europee ha solvite le
problema del morte, al minus in principio, con le si-appellate technica de
<cloning>.

Illes jam ha apprendite como reproducir ex su DNA un mammal tante vices como
illes vole. Assi nos dice le reportos que on lege in le jornales como le
Washington Times e le Washington Post ubi le successo del seniores Ian Wilmut e
Keith Campbell con su ove Dolly es describite.

Secundo Dr. Khathamee il ha circa tres centos laboratios in S.U.A. qui pote usar
le simple technica del electrophorese pro attinger le fusion de un ovo sin su
DNA original con un DNA ex un cellula matur de altere individuo.

E assi nos pote dicer que nunc nos ha le possibilitate de facer nos, o al minus
nostre DNA, immortal pois que iste se pote propagar ad infinitum ab un vetule
individuo a un nove individuo per semper!!

Naturalemente omnes dice que iste technica non debe esser usate con humanos pois
que iste significa grave problemas ethice. Ma io crede que iste attitude qui
vole negar o finger non vider qui omne technicas essera usate con humanos tosto
o tarde es multe stupide. Il es melior acceptar iste factos e comenciar a
apprestar le lineas de conducta adequate pro le nove mundo del futur.

Ma io ha parlate bastante e nunc io vole saper que vos pensa de iste problemas
moderne.

Francisco