In le television american (canal de NBC) hic nocte io videva le film
"Schiendler's List".  Le film tormenta mi mente e es per isto que io
scribe, perque il message es assi tanto importante e urgente pro le
generationes que cresce nunc.  Iste film esseva un production
cinematographic multo poterose e al mesme tempore multo repugnante.  Le
cosas que ille monstra no es un gusto vider.  Ma, le attestamento al
veritate alcun vices no es gustose vider.

Le actos tanto repugnantes del Komandant del Campo de Concentration esseva
un choc per mi oculos, e un insulto al humanitate.  Le tractamento del
judeos durante le Secunde Guerra Mundial esseva un acto de inhumanitate que
io no sape como pote esser excusate.

Hodie il ha gruppos de neo-nazis, juvenes quasi tote illes, que canta e
vesti le insignia del partito nazi, le swastika.  Hic in Nove Anglaterra il
ha multos que se curta le capillos e vade calvos, in signo de su "gang" e
su credentias neo-nazistas.  Que un situation como le del annos trenta
essea possibile hodie es un grande umbra super le turno del millenio.

Io prego que tote le homines de bon voluntate pote poner se in accordo in
su proprie nationes pro asecurar se que isto no se repite in le historia
nostre.  Le homicidios recentes in massa in sitios como Rwanda e como in
Bosnia monstra que le repugnante odio del racistas es vivo in le mundo de
hodie.

Pote viderse iste film in Europa? E in alteres partes del mundo?
Il ha alteres films que demonstra le malevolentia del nazis e specialmente
le SS in le secunde guerra mundial contra le judeos, le gyptianos, le
testes de Jehovah (le studantes del Biblia), le personas con debilitates, e
le homosexuales.

Es bon, in mi opinion, que le personas que vole le pace in nostre mundo
passa le parola del realitates, sed tanto repugnantes, al altere
generationes.  Con le sperantia de que isto no occurre un altere vice.
Esque vos prega isto mesme?  Io spera que si.