Car amicos,

Io vole adder ancora alicun lineas al message "Chassar" que io vos ha
inviate hodie.

Anne Burgi ha scribite in su message del  21 de novembre:
"Nunc le parolas francese que comencia per le sono "ka" son le parolas
prendite del lingua italian in le XVI-te seculo in le prestigiose tempore
del Renascentia italian."

Si, il es ver que le italiano de ille seculo ha date plure parolas con "ka"
(in vice de "cha" e "che") al lingua francese: "campagne, cavalier,
cadence, canaille".

Ma certemente non omne parolas de iste categoria ha lor origine in le
lingua italian.. Il ha ancora tres altere fontes importante:
1. Picardia e Normandia: "cage, carpe, caillou, camus".
2. Le sud de Francia: "cabane, caboche, cadet, cadeau".
3. Le latino: "cadavre, caduc, capital, candide"

Salutes amical de Piet