Car amicos, car Simona,

Io legeva le message super Interlingua parlate. Isto es de
facto mi preoccupation: on debe le plus tosto apprender como
inserer documentos sonor in Interlingua.com. Io sape facer
multo, ma io non ha ulle idea como facer iste cosa. Io sape
lo que es Real Audio e similes, ma isto es le area in le
qual alicun altere in nostre circulo deberea inserer se e
adjutar nostre sito official de UMI.
Actualmente le systema de inregistration de sonos de mi
computator non functiona. Io non comprende  proque io pote
audir ben toto: non producer, tamen! In ultra pro problemas
de spacio in julio io deleva mi fila sonor super naz.com.
Il esserea necessari que Simona informa nos plus clarmente
ubi nos pote trovar Radio Interlingua. Io non mesmo sape le
adresse: iste adresse esserea plus que benvenite super
interlingua.com.
Simona, pote tu adjutar nos? Nunc il esserea le tempore de
dar voce a nostre sito!
Cordial salutes, Paolo.