=========================================
Le BURGINDIANAS, KIVI-INDIANOS E FORMICAS
=========================================

[RE: Anne Burgi 971118]
Io ha usate le parola "indiana" pro dicer que io non es un
"chef". In francese de Quebec, il ha iste expression :
Trop de chefs, et pas assez d'indiens
Tropo de chefes e non assatis de indianos.

[Allan Kiviaho 971119]

Gratias! Le "chefes/indianos" sona un pauc comic a me
perque in mi infantia - durante nostre guerras - nos sovente jocava
indianos e omne indiano era un "chef" (Intiaanipäällikkö, chief,
Häuptling). Le indianos era heroes in nostre jocos 
("Istuva Härkä" = Sitting Bull, Geronimo etc.). Un burla mal era:
"Istuva Härkä - takapuoli märkä" = Sitting Bull - the hinder parts wet
...).

Le indianos era multo popular e le homines blanc era mal in nostre
jocos. Un ration pote esser que multe libros super le indianos era
scripte per Karl May (1842-1912), un famose autor german. Io pensa que
le germanos con intention
distribueva isto libros durante le guerra in Finlandia pro instigar
anti-anglo/american sentimentos inter le population finlandese. Forsan
con humile successo (ben que Karl May era un multo bon autor). Le
americanos non jammais era odiate in Finlandia e le libro plus popular
inter nos infantes era "Tarzan" per Edgar Rice Burroughs. Grande
Britannia declarava guerra contra Finlandia 
1941-12-06 (Le dono pro le 24e anniversario de Finlandia) ma le USA non
faceva isto. Finlandia era troppo popular in le USA postea nostre Guerra
Hibernal e como le sol pais in le mundo que habeva pagate al ultime cent
su debito al USA del era de prime guerra mondial. 

Uno de nostre "inimicos" se declarava que su nomine era
"Tarzan Kivi" (Tarzan Petra), un chef-indiano. Ille pensava que il
esserea impossibile esser sin nomine de familia.
Ma Tarzan Kivi non era un multo bon chef-indiano, perque
ille fugiva in panico quando attaccate per multo parve ma
disagradabilissime jalne formicas "keltiäinen" (etergadda in svedese,
Lasius flavus in latino; qual in interlingua?). Nos "ver" indianos
pensava que un indiano ver pote durar anque un pauc tortura. 

Ugh! Io Kivi. Io indiano. Io dur como petra. Io chef!

Allan Kivi