Subject: | |
From: | |
Reply To: | INTERLNG: Discussiones in Interlingua |
Date: | Thu, 23 Oct 1997 17:28:17 -0200 |
Content-Type: | text/plain |
Parts/Attachments: |
|
|
Ingvar Stenstrom me scribeva in un littera private:
> Re le phrases a traducer: on non GANIA (=anglese win) donos
> de Natal, on los RECIPE o ES DONATE.
Ben que in portugese "ganhar" es OK, io vide le logica del cosa: "ganiar" in
Interlingua habe un senso ulterior de "conquesta", i.e., "ganiar" es "obtiner
per effortio". Ergo io solo pote concordar con Ingvar in que on NON "gania"
donos: on los "recipe".
Ma le tertie option non me pare applicabile: illo me pare plus tosto un specie
de anglicismo.
In anglese, si on habe phrases in le schema <subjecto> <verbo> <objecto-directe>
<objecto-indirecte>, como:
He told me a tale. = He told a tale to me.
He gave me a book. = He gave a book to me.
(Ille me contava un conto. = Ille contava un conto a me.)
(Ille me dava un libro. = Ille dava un libro a me. )
on pote facer duo typos de inversion. Le prime consiste in transformar le
OBJECTO DIRECTE in subjecto del nove phrase. Isto es le VOCE PASSIVE:
A tale was told to me by him.
A book was given to me by him.
(Un conto era contate a me per ille.)
(Un libro era date a me per ille.)
Iste construction es permittite tamben in portugese.
Le secunde inversion consiste in transformar le OBJECTO INDIRECTE in subjecto
del nove phrase:
I was told a tale from/by? him.
I was given a book from/by? him.
E *iste* construction non es possibile in portugese. "Io era date" significa que
alicuno me dava a alteruno.
Esque iste construction es possibile in altere linguas-fonte? O isto es un
construction strictemente anglese?
--
ENSJO*: EMERSON JOSÉ SILVEIRA DA COSTA
E-mail : [log in to unmask] [<Ø>] Brasil!
Homepage : http://www.nautilus.com.br/~ensjo/
Telephono: (091) 231-5740 // +55 91 231 5740
UIN ICQ : 713833 [* "sj" pronunciate "sh"]
INTERLINGUA - lingua auxiliar international
Info : http://www.interlingua.com
Grammar : http://www.nautilus.com.br/~ensjo/interlingua/english.html
|
|
|