Io trova le suggestion per Ruud Harmsen multo interessante e io pone a ille le demanda: pote tu indicar alcun adresse de paginas que tu ha pubblicate in Wikipedia in interlingua?
In utra io extende le mesme demanda a qualcunque altre contributores de iste lista.
Que cerca io ab iste benevole responsas?
Io cerca le possibilitate de facer me un idea del resultatos obtenite per Ruud Harmsen e alteres.
Il non es de hodie que io observa Wikipedia e considera le possibilitate que illo offere, e postea iste curiositate que face io in practica?
In practica io passa a altere!!! Io passa a argumentos que io pensa de cognoscer, e io evita de introducer me in nove themas que comporta un initial non securitate in relation a como facer, como initiar, como apprender cosas nove a mi etate (73 primaveras hodie e quasi 74 annos a breve).
In breve: Pote Ruud Harmsen scriber ulteriormente in relation a iste thema, proque illes qui naviga a mi etate, comprende con facilitate como on debe comportar se, sin facer troppo fatiga, e cimentar se in le uso de Wikipedia in interlingua?
Io es del idea que un simple explication in iste lista e un eventual supporto initial, poterea conferer resultatos ambitiose e Ruud Harmsen haberea facite un intervention meraviliose.
Il se tractarea de superar illo que es jam scribite, pro illes qui ha jam facite experientia, e vader verso illes, qui io pensa sia numerose, qui manca . . . de multe cosas de hodie ;)
Gratias e con amicitate,
Mario Malaguti

PS.: Pro iste message io me ha rifiutate de recurrer al consultation del dictionario. Il se tracta de mi interlingua potential, de derivation ab mi dialecto e lingua materne. Sia vos patiente e considera que interlingua debe resultar un practica natural!
Totevia io ha legite iste mi texto plure vices a alta voce como on deberea pronunciar interlingua.

Postea mi autorevision io quasi me promove.


--
Pro leger le archivos e pro modificar o cancellar le subscription:
http://listserv.icors.org/archives/interlng.html