Subject: | |
From: | |
Reply To: | |
Date: | Sun, 25 Mar 2018 07:37:12 +0200 |
Content-Type: | text/plain |
Parts/Attachments: |
|
|
Le quatro organisationes nordic de interlingua invita al 16te incontro
nordic de interlingua con curso de interlingua pro comenciantes e curso
de conversation pro le plus avantiates le 25-29 de julio 2018 sur le
insula danese Bornholm, anque appellate "Le Insula del Sol".
Visita www.interlingua.dk/nordic2018 pro plus de informationes e pro
inscriber te como participante.
Le cinque dies misce un programma con curso intensive de interlingua pro
comenciantes e curso de conversation pro illes, qui ja sape un poco, con
sessiones, ubi on discute como facer interlingua ancora plus cognoscite
e usate in le paises nordic via collaboration commun, agradabile e
inspirante, e con multe tempore pro conversar, amusar se e -
naturalmente - visitar alcun del multe locos charmante in le insula in
le Mar Baltic, sud de Svedia e non distante de Polonia in le sud.
Le incontros nordic de interlingua ha essite arrangiate omne duo annos -
in annos par - desde le prime in Lund in Svedia in 1988 per le quatro
organisationes de interlingua in Danmark, Norvegia, Svedia e Finlandia.
Le scopo es assemblar fortias nordic pro crear nove ideas a activitates,
campanias e actiones coordinate que pote facer interlingua ancora plus
cognoscite e usate in le paises nordic. Le incontros crea un quadro
creative pro developpar e discuter le ideas e exequer alcun de illos
durante le cinque dies. Le incontro nordic es un occasion excellente pro
apprender e practicar interlingua in bon compania ingagiate, sempre
presta a adjutar.
www.interlingua.dk/nordic2018 - benvenite!
--
DANSK INTERLINGUA UNION
Sekretariatet * Kirkeholmen 10 * DK-2630 Taastrup * Danmark
Interlingua - communication sin frontieras
http://www.interlingua.dk * http://www.interlingua.com
Milliones de personas comprende interlingua immediatemente
--
Pro leger le archivos e pro modificar o cancellar le subscription:
http://listserv.icors.org/archives/interlng.html
|
|
|