Car amicos (de interlingua)!

Le 9ne (none) emission de Radio Interlingua pro april 2009 (duo milles novem) contine exclusivemente le secunde (e ultime) parte del interview con Alberto Mardegan, tresorero de UMI, que io ha facite con ille in Linköping, Svedia, in le estate de 2008, al Incontro Nordic de interlingua.

Io non mesmo poteva seliger musica pro iste emission, proque io era in hasta in preparar me pro un tour in Svedia con un gruppo musical folkloristic hungare, que se realisava in april. (Illac io re-incontrava tres interlinguistas personalmente, qui io incontrava previemente in persona in 2005 e in 2008; vide le photos e lege super isto in mi blog, al pagina directe http://zalaegerszeg.blogspot.com/2009/05/car-lectores-in-april-un-gruppo-musical.html . Super iste tour con interviews vos potera audir in un sequente emission de Radio Interlingua.)

Alberto parla in iste podcast de april, no. 9 (novem), i. e. in le ultime parte del interview super interlingua e su cosas relative al lingua, super le linguas e contactos personal bulgare e russe, respectivemente super su blog ( http://mardy.it ) que ille scribe in interlingua.

Io non sape mesmo hodie, si ille mesme ha ascoltate iste podcast, proque ille me non informa re isto. (Sperabilemente le prime parte in le podcast no. 8 ille ja ha ascoltate...)

Io spera, que malgrado que illo contine solmente parlar e non musica, vos totevia opina iste podcast interessante. Martijn Dekker lo opina assi, como ille lo ha exprimite in su commentario al emission. Quicunque pote poner commentarios scripte a iste programma, a su pagina directe:

http://www.interlingua.com/node/610 ,

al qual on pote ascoltar o discargar le emission.

A reaudir!

Péter Kovács
redactor de Radio Interlingua

--
Archivos e disabonar: http://listserv.icors.org/archives/INTERLNG.html