*Felicitationes a totes vos octo. Le latinos diceva Omne principiun est
difficile. Octo personas pote incantar altere octo personas, etc.*

2010/10/18 Thomas Schmidt <[log in to unmask]>

> Car amicos!
>
> Io ha participate in le prime incontro franco-german de Interlingua in
> Rastatt. Isto esseva mi prime incontro de Interlingua del toto! Le reunion
> esseva le prime vice que io parlava Interlingua in le mundo real. Pro me
> esseva un grande surprisa como ben isto functionava.
>
> Le centro conferential esseva un institution del ecclesia. Le salas esseva
> vermente approprietate pro iste reunion. Infelicemente le incontro non
> habeva multe participantes, nos esseva octo Interlinguaistes. Ma omne
> participantes comprendeva e parlava fluentemente Interlingua! Nos de facto
> non laborava secundo le ordine del die in le programma official. In le prime
> die nos faceva un lista del cosas que nos voleva discuter. Talmente le
> participantes faceva le ordine de die mesme! Nos laborava secundo iste nove
> ordine del die.
>
> Le idea del franceses collaborar in un revista franco-german es multo
> interessante. Nos lo probara e si il non es possibile quelque de nos
> germanos al minus inviara articulos pro le jornal francese de Union
> Interlinguaistes del Francia "Unir".
>
> Nos decideva que in le futuro nos organisara in le annos del incontro
> nordic le incontros franco-german. Rastatt e Strassburg esseva seligite como
> locos del conferentias.
>
> Nos laborava multo concentrate e effectivemente. Sven Frank habeva multo
> ben elaborate le argumentos pro Interlingua e como on pote reager al
> contra-argumentos e prejudicios contra Interlingua.
>
> Post nostre car amicas de Francia habeva partite nos germanos discuteva
> qualque cosas german. Usque nunc le Union German pro Interlingua (UGI) non
> esseva vermente active. Nos lo vole nunc rapidemente cambiar. Nos decideva
> un quotisation realistic pro le membrato in le UGI. Usque nunc non es
> mencionate in le statuto de UGI un summa concrete pro le quotisation.
> Durante le sequente conferentia german 2012 nos vole cambiar quelque punctos
> in le statuto. Ma isto on debe discuter con omne membros del UGI. Nos anque
> discuteva super le internet pagina de UGI, que tosto essera publicate.
>
> Le humor durante tote le incontro esseva multo bon. Pro me esseva multo
> importante incontrar personalmente altere Interlinguaistes. Illo esseva un
> bon decision pro me participar in le incontro franco-german in Rastatt!
>
> Amicalmente
>
> Thiomas
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
>


--
Pro leger le archivos e pro modificar o cancellar le subscription:
http://listserv.icors.org/archives/interlng.html