>Date:    Thu, 9 Nov 2006 12:57:17 +0100
>From:    =?ISO-8859-1?Q?Martin_BrFCggemeier?
><[log in to unmask]>
>Subject: Re: Es interlingua moribunde?
>
>Am 09.11.2006 um 00:12 schrieb Stanley Mulaik:
>
>>>>
>>>> Esque anque vos pensa que Interlingua jam es morte o moribunde? Io
>ha
>>>> le impression que le activitate re Interlingua ha crescite in le
>>>> ultime annos (ma io non ha essite interessate de Interlingua durante
>>>> multe tempore).
>>>> Esque vos sape, si Frank Esterhill ha cambiate su opinion re le fato
>>>> de Interlingua intertanto.
>>
>> Il non es possibile que interlingua es moribunde durante que il existe
>> le linguas fonte a partir de que illo ha essite extracte.
>>
>> Le problema con le opinion de Esterhill es que illo esseva basate
>super
>> un presupposition que interlingua es solmente pro traducer articulos
>> e libros scientific. Quando le scientia ha tendite usar le anglese
>> plus e plus in le rolo como un lingua commun del scientia, le uso de
>> interlingua pro iste objectivo ha diminuite, con le resultato que il
>> habeva pauc labor pro Esterhill e alteros al Instituto qui ha
>dependite
>> solmente super isto pro lor labor.  Mais interlingua ha altere usos
>> como un lingua ponte que in le scientia, in isto illo continua esser
>> usate.
>>
>> Rememora que interlingua es le vocabulario international in le linguas
>> europee.  Illo va exister o in uso o in potential uso tanto longe que
>> le linguas major de Europa ha iste parolas in lor vocabularios.
>
>Que epense le alteres re iste thema? Secundo mi opinion, le extistentia
>
>del linguas fonte (e del parolas international in ille linguas) non
>suffice. Anque Interlingua mesme debe sempre disveloppar se e esser
>usate.
>
>Salutes,
>Martin BrFCggemeier
>
>--
>Io apprende Interlingua. Per favor, corrige mi errores.

Tu interlingua es bon.

Le concepto de interlingua que io usa, e que le originatores de illo
ha  usate, esque interlingua es un extraction e standardization de
un phenomeno real in le linguas major europee. Essente real, on poteva
extraher lo in un maniera objective.  Su communitate de parlatores
es le linguas fonte super le qual illo es basate.  Lor uso guida le
uso del lingua.

Il es ver que parve gruppos pote comenciar usar interlingua in lor
proprie maniera, ignorante del uso in le grande linguas europee. Mais
isto solmente reimplacia parve gruppos, clubs, societates pro le
grande linguas. Possibilemente si interlingua deveni usate per milliones,
illo va disveloppar su proprie normas.  Mais hodie si le movimento
de interlingua abandona su connexion al grande linguas, illo va
esser ignorate como le lingua de un parve club de deviates social.



Stan Mulaik

--
Archivos e disabonar: http://listserv.icors.org/archives/INTERLNG.html