Car lectores de INTERLNG; car ascoltatores de Radio Interlingua!

Ora io vos recommenda un emission excellente de Radio Interlingua. Iste vice illo ha essite redigite e moderate per Thomas Breinstrup, activista del Union Danese pro Interlingua, redactor del revista "Panorama in interlingua", a causa de mi altere obligationes. Gratias a ille pro discargar me iste vice.

Iste emission es vermente informative e interessante:

In le rubrica "Actualitates de interlingua" on es informate super le vita active circa interlingua: reuniones e cursos regional e national se ha recomenciate post le estate; tosto occurrera le incontro franco-german de interlingua in le urbe Rastatt, Germania.

Postea es presentate un interview fresc de Thomas Breinstrup con Erik Enfors, activista svedese de interlingua, qui participava in le team del Societate Svedese pro Interlingua in presentar e vender libros in le grande feria de libros, recentemente organisate in Svedia. Erik reporta super le experientias, le reactiones del gente super interlingua, etc.

Le redactor in chef, Péter Kovács, anque in le nomine del redactor del emission Thomas Breinstup spera, que iste podcast vos anque placera.

On pote discargar o ascoltar lo directemente del adresse http://www.interlingua.com/node/744 . 

Si on es interessate vider le lista del previe emissiones tamben pro discargar o ascoltar, que on clicca al adresse http://www.interlingua.com/radio .

PK


--
Pro leger le archivos e pro modificar o cancellar le subscription:
http://listserv.icors.org/archives/interlng.html