Lunedi, le 11 februario 2008, Stanley Mulaik scribeva (extractos):

> Allan Kiviaho ha facite le sequente message, e
> io resonde a illo in le sequente:
> [...]

>> Un altere problema grave in nostre movimento ha essite
>> le debattos incessante super le etymologia de iste e
>> ille parola.

Ergo, que nos ignora iste nove stanmulaikismos.

> Le fundatores de interlingua ha dicite que illes possibilemente
> ha facite errores. Isto non es un grande question pro le
> debatto. O nos ha un lingua basate super le scientia del
> linguistica, o nos ha le lingua de un parve club que vole
> decider questiones secundo su proprie gusto.

Etiam si illes ha facite si-nominate "errores," es melior que nos
non disturba le usages de medietate de un seculo.

>> Iste phenomena ha quasi paralysate nostre movimento,
>> le tempore preciose de nostre micre cadres ha essite
>> quastate sin quasi ulle resultatos utile.
>
> Tu exaggera, Allan. Si il ha alcun paralyse, il es
> le etate vetere.

Allan non exaggera.

> De plus le paralyse tu vide es proque certe adherentes non
> vole sequer le methodologia per le qual decisiones
> in interlingua super parolas es decidite objectivemente--
> depois le die de su inception. Illes vole debatter contra
> lo que es bon interlingua.

De novo, es melior que nos non disturba le usages de medietate
de un seculo in le nomine de un specie de certe purismo.

Io non desira, e non cerca, Etiam Un Altere Lingua Romanic, e
io resenti le effortios de romanophonos de converter interlingua
esser Etiam Un Altere Lingua Romanic.

--
Paul Bartlett

--
Archivos e disabonar: http://listserv.icors.org/archives/INTERLNG.html