Allan Kiviaho ha facite le sequente message, e
io resonde a illo in le sequente:
>################################################
>DEBATTOS SUPER ETYMOLOGIA DE INTERLINGUA SIN FIN
>################################################
>
>Un altere problema grave in nostre movimento ha essite
>le debattos incessante super le etymologia de iste e
>ille parola.
>
>Alicun personas ha grande ambitiones a provar que le
>patres fundante de interlingua ha habite torto.
Le fundatores de interlingua ha dicite que illes possibilemente
ha facite errores. Isto non es un grande question pro le
debatto. O nos ha un lingua basate super le scientia del
linguistica, o nos ha le lingua de un parve club que vole
decider questiones secundo su proprie gusto.
>Iste phenomena ha quasi paralysate nostre movimento,
>le tempore preciose de nostre micre cadres ha essite
>quastate sin quasi ulle resultatos utile.
Tu exaggera, Allan. Si il ha alcun paralyse, il es
le etate vetere.
De plus le paralyse tu vide es proque certe adherentes non
vole sequer le methodologia per le qual decisiones
in interlingua super parolas es decidite objectivemente--
depois le die de su inception. Illes vole debatter contra
lo que es bon interlingua.
Sovente le si nominate debattos es levate per novicios
qui vide le pretensiones al scientia de un latere e le
dogmatismo que refusa corriger obvie errores secundo
le methodologia ‘scientific’ al base de interlingua.
>
>Le systema de trovar parolas "international"
>(= interlingual) del IALA ha essite ingeniose e ha
>facte lor obra initial possibile.
Illos ha facite le augmentation de nostre dictionarios,
como in le obras de Peit Cleij.
Si nos pote determinar formas de nove parolas in le
vocabulario, nos pote corriger vetere parolas que
non es in accordo con nostre methodologia.
>
>Sed hodie io pensa que le methodo pro acceptar nove
>parolas "canonisate" in interlingua debe esser plus
>legier, multo plus legier.
Tu vole introducer le subjectivismo. Heretico!!!
:-)
>
>Nos debe haber un committee (vamos oblidar que
>Alexander Gode diceva!)
Heretico! Heretico! :-) (Le accusation retorna al
originator).
Nos pote haber un committe, in altere parolas, un
gruppo de personas qualificate in facer le labor,
mais lor resultatos debe esser basate super rationes
linguistic e transparente, e remane corrigible per
alcuno con melior factos. Nos non vole ‘autoritates’
qui simplemente dice ‘si’ o ‘non’ a un parola sin
defender lo con rationes linguistic. Le decisiones
non es authorisate per le personas qui face le labor,
mais per le rationes e evidentia linguistic que
appoia lor judicamentos. E alcuno pote facer iste
labor, si ille ha le qualificationes linguistic e
dictionarios etymologic pro facer lo.
>linguistic pro acceptar nove
>parolas. On debe haber un sito in interrete pro iste
>parolas e on debe transferer illos etiam in nostre
>dictionarios existente.
Nos ha un tal sito: illo es
[log in to unmask]
E il esserea un bon idea si le authores de dictionarios
va attender a iste resultatos e includer tal parolas
in lor dictionarios.
E il es ver que nos ha necessitate de collectionar le
resultatos de iste discussiones e poner los in le
dictionarios.
Nos non debatte sin fin a interlingua-coollist. A vices
il ha alcun debatto initialmente, mais tosto un consenso
basate super le factos se leva.
>
>De facto nos jam ha un Commission linguistic in UMI,
>professor Ferenc Jeszenszky como coordinator
>("Roma ... eh ... Budapest locuta est, causa finite
>est!"). In iste contexto nostre etymologistas fanatic
>pote forsan esser utile sed il es melior, si illes
>labora in fundo e non roba tempore de iste
>interlinguistas qui vole "luctar al fronte" pro
>divulgar interlingua.
Si le Commission esseva solmente informal e non ha
pretensiones de authoritate investite in illes mesme
o lor officio, mais in le rationes linguistic e
evidentia corrigibile, alora isto esserea o.k. Mais
UMI sembla functionarea como occidental o esperanto
e non como un producto del scientia, si illo arroga
a illo authoritate final pro determinar le formas del
lingua.
Stan Mulaik
--
Archivos e disabonar: http://listserv.icors.org/archives/INTERLNG.html
|
