Car amico Antonio,

            Tu nomine era il nomine de mi patre. E io es multo contente de
vider que tu adhere a iste communitate de idealistas, que se effortia pro
propagar in le sphera international le usage de un lingua auxiliar neutre
como iste nostre Interlingua, belle, musical e aptissime al communication
inter populos e nationes e al establimento de ligamines de amicitate e de
fraternitate inter personas intelligente in tote le partes del mundo.

            Io non ha ulle dubita de que tote le membros de iste Lista de
Discussiones te dice ora, como io lo face, SIA BENVENITE!

            Interlingua merita esser parlate e practicate per milliones de
personas  -- juvenes, vetules (io, pro exemplo, ha 74 annos de etate) viros,
feminas  ( ben que io me plange del absentia del "belle sexo" in nostre
*movimento*), sin distinction de nationalitates  o de nivellos cultural.

            E tu arriva in un momento que io considera historic, post que on
interprende le traduction a Interlingua de un del majores obras del
litteratura universal: Le Comedia Divin, per Dante Alighieri. Le travalio es
non ancora integremente concludite (le traductores ora tractan de proceder a
un  meticulose revision), ma io crede que presto illo essera disponibile in
le Internet, in su forma definitive, pro orgolio e satisfaction de tote
illes qui cognosce nostre amate Intelingua.

            Espania habe altere (e illustre) representantes inter nos, ma tu
va tosto perciper que le patria del ver Interlinguista non ha frontieras
national: nostre patria es le Planeta Terra, nos nos considera totes
*compatriotas*, unite per un mesme lingua e un mesme ideal.

            Ancora un vice, BENVENITE!

            Fraternalmente,

Carlos Alberto Santos
Aracaju - BRASIL



----- Original Message -----

From: "Antonio Castro Lorenzo" <[log in to unmask]>
To: <[log in to unmask]>
Sent: Friday, July 20, 2007 6:25 PM
Subject: Re: [INTERLNG] Interlingua immortal


> Car Arberto.
>
> Io besonio leger plus Interlingua e illo face multo ben pro nostre lingua
> internacional.
> Io es nove in iste lingua sed io es nunc orgoliose anque.
>
> Multo salutes pro totes.
>
> Pd: Io es ab Espania, mi nomine es Antonio Castro.
>
> --
> Archivos e disabonar: http://listserv.icors.org/archives/INTERLNG.html

--
Archivos e disabonar: http://listserv.icors.org/archives/INTERLNG.html