Car Péter,

Io ha facite alcun experimentos con Skype hodie e io intende continuar pro
ganiar plus experientia. Io ha visitate alcun foros e le ordine normal
sembla esser:

Si le foro ha un gerente (presidente) ille es listate in le capite del
lista. Il ha tres categorias de visitatores listate: Parlantes, Attendentes
e Audientes. Quando tu visita un Skypecast tu es listate sub le Audientes.
Ma tu pote "demandar le parola" e nunc tu es listate sub le Attendentes. E
finalmente tu pote esser listate sub le Parlantes e pote parlar sin
interruptiones..

Iste systema functiona in le maniera que solmente un persona pote parlar e
chaos es evitate.

Io ha anque visitate Skypecasts ubi le presidente non es presente - o que il
es annunciate quando ille va apparer. In tal casos tote visitatores es
listate sub Parlantes - e le risico de chaos es evidente.

Io va continuar mi excursiones inter le Skypecasts e forsan io va aperir mi
proprie, parve Skypecast pro continuar mi studios de su functiones.

In mi opinion nos debe tentar attraher visitatores foras le membros de
nostre movimento. Il es importante que on permitte visitatores a usar lor
lingua materne a lor prime visitas. Io crede que nos debe permitter lo. - Io
hodie ha visitate un foro pro le lingua sloveno e io ha me presentate in
anglese. Nema problema! (Io sape un poco serbo-croato)

Janne


2007/2/6, KOVACS Peter <[log in to unmask]>:
>
> Car Janne!
>
> Tu scribeva:
>
> >Salute!
> >
> >Hodie io ha discargate le nove version (3, beta) de Skype e probate
> >participar in un foro pro chat vocal. Multo impressive! Nunc nos pote
> >communicar con voce e non solmente per le claviero!
>
> Iste possibilitate existeva anque in le plus anterior versiones de Skype.
> Tu
> haberea potite usar lo.
>
> >Le foro debe haber un
> >gerente qui distribue "le parola" inter le participantes in maniera que
> solo
> >un persona parla cata vice.
>
> Ma isto certemente es un novitate technic (a Skype, un simile cosa existe
> ja
> desde le initio in Paltalk). P. ex. in Paltalk on debe imprimer un button
>
> pro parlar e alora alteres non pote parlar al mesme tempore (ni interrump
> er
> uno). Isto es un bon cosa, proque usque ora totos poteva parlar mesmo al
> mesme tempore in Skype, ma isto causava problemas technic (interruptiones
> in
> le transmission del voce del parlante); isto "confundeva le systema". Io
> ha
> experientiate multe vices isto con Ingvar, quando ille reageva ja a un mi
>
> phrase (o semiphrase) durante quando io ancora parlava o voleva ancora
> parlar, lo que ille naturalmente non sapeva, pro isto postea nos comencia
> va
> parlar al mesme tempore e isto confundeva Skype e postea necuno de nos
> poteva comprender le phrases del altere, proque solmente vocal partes
> transfiltrante poteva audir se. E assi il es multo difficile reconstruer
> un
> plen phrase. Io non ancora ha discargate le nove version de Skype, ma io
> es
> curiose, esque iste problema es solvite assi, como in Paltalk.
>
> Skypemente:
>
> Peter Kovacs
>
> --
> Archivos e disabonar: http://listserv.icors.org/archives/INTERLNG.html
>



-- 
Generalsgatan 12 E, SE-903 36 Umeå
Tel +4690771525
Mobile +46706594934
Skype: janarm
www.armann.se

--
Archivos e disabonar: http://listserv.icors.org/archives/INTERLNG.html